બિહાર વિધાનસભા ચૂંટણીના પ્રથમ તબક્કા પહેલા મહાગઠબંધને સુગૌલી બેઠક પર મોટો રાજનૈતિક દાવ રમ્યો છે.
પ્રથમ તબક્કા પહેલા મહાગઠબંધનનું સમર્થન
બિહાર વિધાનસભા ચૂંટણીના પ્રથમ તબક્કા પહેલા મહાગઠબંધને સુગૌલી બેઠક પર મોટો રાજનૈતિક દાવ રમ્યો છે. ઉમેદવારી રદ્દ થયા બાદ પણ મહાગઠબંધને તેજ પ્રતાપ યાદવની પાર્ટીના ઉમેદવાર શ્યામ કિશોર ચૌધરીને પોતાનું સમર્થન આપવાની જાહેરાત કરી છે. મહાગઠબંધનના આ પગલાને રાજ્યમાં ચૂંટણી બાદ તૈયાર થનાર સમીકરણના રૂપમાં જોવામાં આવી રહ્યુ છે. સુગૌલી વિધાનસભા બેઠક પર વિકાસશીલ ઇંસાન પાર્ટી સહિત મહાગઠબંધનના દળોએ તેજ પ્રતાપ યાદવના ઉમેદવાર શ્યામ કિશોર ચૌધરીને પોતાનું સમર્થન આપવાની જાહેરાત કરી છે.
તેજ પ્રતાપ યાદવની પાર્ટીના બેનર ચૂંટણી મેદાનમાં
આ વિશે માહિતી આપતા વિકાસશીલ ઇંસાન પાર્ટીના રાષ્ટ્રીય પ્રવક્તા દેવ જ્યોતિએ કહ્યુ હતુ કે, પાર્ટીના સુપ્રીમો મુકેશ સાહનીના નિર્દેશાનુસાર અને મહાગઠબંધનના તમામ દળો સાથે વિચાર કર્યા બાદ વિકાસશીલ ઇંસાન પાર્ટીએ સુગૌલી વિધાનસભા બેઠકથી તેજ પ્રતાપ યાદવની પાર્ટીના બેનર ચૂંટણી મેદાનમાં ઉતરેલા શ્યામ કિશોર ચૌધરીને પોતાનું સમર્થન આપવાની જાહેરાત કરી છે.
શ્યામ કિશોર ચૌધરીનો સાથ
દેવ જ્યોતિએ કહ્યુ હતુ કે, શ્યામ કિશોર ચૌધરીને હવે મહાગઠબંધનનું સંપૂર્ણ સમર્થન પ્રાપ્ત છે. તેઓએ પોતાની પાર્ટીના તમામ પદાધિકારી, કાર્યકર્તાઓ અને સમર્થકોને પૂરતી એકજૂટતા સાથે શ્યામ કિશોર ચૌધરીનો સાથ આપવાની જાહેરાત કરી છે. તેઓએ વધુમાં કહ્યુ હતુ કે, શ્યામ કિશોર ચૌધરીને ભારે બહુમત સાથે જીત અપાવવા માટે મહાગઠબંધનના તમામ ઘટક દળ શક્ય પ્રયાસ કરશે.
