બિહાર ચૂંટણીના પ્રથમ તબક્કાના મતદાનની દેશમાં ભારે ચર્ચા ચાલી રહી છે ત્યારે ચૂંટણી પંચે પ્રથમ તબક્કાના મતદાનના ફાઇનલ આંકડા જાહેર કર્યા છે ચૂંટણી પંચના જણાવ્યા અનુસાર, બિહાર વિધાનસભા ચૂંટણીના પ્રથમ તબક્કામાં કુલ 65.8% મતદારોએ મતદાન કર્યું હતું. આ અગાઉના મતદાનના આંકડા કરતા વધુ છે. ચૂંટણી પંચે અગાઉ અહેવાલ આપ્યો હતો કે બિહારમાં પ્રથમ તબક્કામાં સૌથી વધુ મતદાન 64.66% હતું તેના કરતા હવે ટકાવારી વધી છે.
પ્રથમ તબક્કામાં અંતિમ મતદાન 65.08%
ચૂંટણી પંચના જણાવ્યા અનુસાર, બિહાર વિધાનસભા ચૂંટણીના પ્રથમ તબક્કામાં અંતિમ મતદાન 65.08% હતું. પ્રથમ તબક્કાનું મતદાન 6 નવેમ્બર, 2025 ના રોજ 18 જિલ્લાઓમાં 121 વિધાનસભા મતવિસ્તારોમાં થયું હતું. મતદાનની દ્રષ્ટિએ બિહારે નવો ઇતિહાસ રચ્યો છે. બિહારમાં અગાઉના તમામ મતદાન રેકોર્ડ તૂટી ગયા હતા.
2020માં રાજ્યનું સરેરાશ મતદાન 57.29 ટકા
બિહારમાં થયેલા ઉંચા મતદાનથ મતદાનના પ્રથમ તબક્કામાં 75 વર્ષ જૂનો રેકોર્ડ તૂટી ગયો હતો. આમ, ચૂંટણી પંચનો અંતિમ ડેટા અગાઉના ડેટા કરતા લગભગ 1% વધુ છે. એ નોંધવું જોઈએ કે 2020ની બિહાર વિધાનસભા સામાન્ય ચૂંટણીમાં રાજ્યનું સરેરાશ મતદાન ૫૭.૨૯ ટકા અને ૨૦૨૪ની લોકસભા સામાન્ય ચૂંટણીમાં ૫૬.૨૮ ટકા હતું.
અગાઉ ડેટા આવ્યો ન હતો
બિહારના મુખ્ય ચૂંટણી અધિકારી (CEO) વિનોદ સિંહ ગુંજ્યાલે જણાવ્યું હતું કે 6 નવેમ્બરની સાંજ સુધીમાં પ્રાપ્ત થયેલા ડેટા અનુસાર, ૩૭.૫ મિલિયન મતદારોમાંથી આશરે ૬૪.૪૬ ટકામતદારોએ મતદાન કર્યું હતું. તેમણે જણાવ્યું હતું કે આ આંકડો કુલ ૪૫,૩૪૧ મતદાન મથકોમાંથી ૪૧,૯૪૩ મતદાન મથકો પરથી મળેલી માહિતી પર આધારિત છે. ગુંજ્યાલે કહ્યું તે વખતે કહેલું કે આ અંતિમ આંકડો નથી, કારણ કે કેટલાક મતદાન મથકોમાંથી માહિતી હજુ રાહ જોવાઈ રહી છે. અંતિમ મતદાન મતદાન વધુ હોવાની શક્યતા છે.
મુઝફ્ફરપુરમાં સૌથી વધુ મતદાન નોંધાયું
મુખ્ય ચૂંટણી અધિકારીએ જણાવ્યું હતું કે મતદાન શાંતિપૂર્ણ અને ન્યાયી વાતાવરણમાં થયું હતું. કેટલાક સ્થળોએ છૂટાછવાયા બનાવો સિવાય, કોઈ મોટી અવ્યવસ્થા નોંધાઈ નથી. રાજ્યના ૧૮ જિલ્લાઓમાં ફેલાયેલી આ ૧૨૧ બેઠકો માટે ૬ નવેમ્બરના રોજ મતદાન કરવા માટે મતદારો ઉત્સાહિત હતા. વહેલી સવારથી મતદાન મથકો પર લાંબી કતારો લાગી ગઈ હતી અને મતદારોએ લોકશાહીના આ ભવ્ય ઉત્સવમાં ઉત્સાહપૂર્વક ભાગ લીધો હતો. બિહારમાં મુઝફ્ફરપુરમાં સૌથી વધુ મતદાન નોંધાયું હતું. મતદાનનો બીજો તબક્કો ૧૧ નવેમ્બરે યોજાશે, અને પરિણામો ૧૪ નવેમ્બર, ૨૦૨૫ના રોજ જાહેર થશે.
