તેઓ 83 વર્ષના હતા. તેમના પરિવારજનો દ્વારા તેમના અધિકૃત ઇન્સ્ટાગ્રામ હેન્ડલ મારફતે આ માહિતી આપવામાં આવી. પરિવાર મુજબ આજે સાંજે 4 વાગ્યે દિલ્હીના લોધી સ્મશાન ઘાટમાં તેમના અંતિમ સંસ્કાર કરવામાં આવશે.
રધુ રાયજીને ભારતીય ફોટોગ્રાફી અને ફોટો જર્નાલિઝમના જનક તરીકે માનવામાં આવતા હતા. તેમની કારકિર્દી પાંચ દાયકાથી પણ વધુ સમય સુધી ફેલાયેલ હતી, જેમાં તેમણે ભારત અને વિશ્વની અનેક મહત્વપૂર્ણ ઘટનાઓને પોતાના કેમેરામાં કેદ કરી હતી.
https://www.instagram.com/p/DXkcClmkrru/?utm_source=ig_web_copy_link&igsh=NTc4MTIwNjQ2YQ==
ઇતિહાસના જીવંત દસ્તાવેજ તરીકે જોવામાં આવે છે
તેમની તસવીરો માત્ર ફોટા નહોતી, પરંતુ ઇતિહાસના જીવંત દસ્તાવેજ તરીકે જોવામાં આવે છે. વર્ષ 1971માં ભારત સરકારે તેમને પદ્મશ્રીથી સન્માનિત કર્યા હતા. તેમની સૌથી ચર્ચિત તસવીરોમાંની એક ભોપાલ ગેસ દુર્ઘટના પછીની છે, જેમાં એક નિર્દોષ બાળકનું નિર્જીવ શરીર દેખાય છે. આ તસવીરે સમગ્ર વિશ્વનું ધ્યાન આ દુર્ઘટના તરફ ખેંચ્યું અને કોર્પોરેટ જવાબદારી પર વૈશ્વિક ચર્ચા શરૂ કરી.
રધુ રાયે ભારતની ઘણી મહાન હસ્તીઓને પણ પોતાના કેમેરામાં કેદ કરી હતી. તેમણે ભૂતપૂર્વ પ્રધાનમંત્રી ઇન્દીરા ગાંધી સાથે ઘણા સમય સુધી કામ કર્યું અને તેમના જીવનના અનેક મહત્વપૂર્ણ પળોને કેદ કર્યા. ઉપરાંત, મધર ટેરેસા પર તેમની ફોટોગ્રાફી ખૂબ પ્રસિદ્ધ રહી. સંત જાહેર થવા પહેલાં જ તેમણે ‘Saint Mother’ નામે તેમની પર પુસ્તક પ્રકાશિત કર્યું હતું.
1942માં અવિભાજીત ભારતના ઝંગ (હાલ પાકિસ્તાનમાં)માં જન્મેલા રધુ રાયે 1962માં ફોટોગ્રાફીને કારકિર્દી તરીકે પસંદ કરી. તેમણે The Statesmanથી પોતાની શરૂઆત કરી તેઓ વિશ્વની પ્રતિષ્ઠિત ફોટોગ્રાફી સંસ્થા Magnum Photosના સભ્ય બનનાર પ્રારંભિક ભારતીયોમાંથી એક હતા. તેમણે પોતાના જીવનમાં 18થી વધુ પુસ્તકો લખ્યા હતા.