Mumbaiના મઝગાંવ વિસ્તારમાં મુંબઈમાં ગણેશ મૂર્તિના આગમન સરઘસ દરમિયાન બે જૂથો વચ્ચે અથડામણ થઈ હતી. આ ઘટનાને પગલે રવિવારે મોડી રાતથી સોમવાર સવાર સુધી વિસ્તારમાં તણાવની સ્થિતિ રહી હતી. તહેવારના આયોજકોનો આરોપ છે કે નજીકની એક ઇમારતમાંથી સરઘસ પર ઇંડા ફેંકવામાં આવ્યા હતા. પોલીસ ઘટનાસ્થળે પહોંચી હતી અને પરિસ્થિતિને કાબૂમાં લીધી હતી. ભીડને હટાવતા પહેલાં રસ્તાઓ પર અંદાજે 10,000થી 15,000 લોકો એકત્ર થઈ ગયા હતા. અખિલ પબ્લિક ફેસ્ટિવલ કમિટીના અધ્યક્ષ હિતેશ જાધવે આરોપ લગાવ્યો કે ભગવાન ગણપતિના આગમન બાદ નજીકની એક ઇમારતમાંથી સરઘસ પર ઇંડું ફેંકવામાં આવ્યું હતું.
આયોજકોએ 24 કલાકની અંદર કાર્યવાહી કરવાની માંગ કરી
આયોજકે કહ્યું કે અમે પોલીસને વિનંતી કરી છે કે તેઓ આગામી 24 કલાકની અંદર કાર્યવાહી કરે. તેમણે એમ પણ કહ્યું કે મહારાષ્ટ્રના સાંસ્કૃતિક બાબતોના મંત્રી આશિષ શેલારે આયોજકોને સમર્થન આપ્યું છે અને કાર્યવાહી કરવામાં આવશે તેવું આશ્વાસન આપ્યું છે. જાધવે કહ્યું કે આશિષ શેલારે અમારી ઘણી મદદ કરી છે. અમને આશ્વાસન આપવામાં આવ્યું છે કે આ મામલે 24 કલાકની અંદર સંપૂર્ણ કાર્યવાહી કરવામાં આવશે.