ભારતીય રેલવેએ 24 ટ્રેનોને 3 મહિના માટે કેન્સલ કરી દીધી છે. એટલે કે તે ટ્રેનો હાલ નહી ચાલે. આ સાથે જ 28 ટ્રેનોને પણ ઓછી કરી દીધી છે. જે રૂટ પર ટ્રેન કેન્સલ કરવામાં આવી છે. તેમાં પટના, પ્રયાગરાજ, હાવડા, અમૃતસર, કામાખ્યા, કોલકાતા, અજમેર અને અંબાલા સહિત અનેક રૂટ્સ સામેલ છે.

જો તમે રેલ યાત્રી છો અને અનેક વખત દિલ્હી, પંજાબ, યુપી અથવા બિહાર અવર જવર રહે છે તો તમારાં માટે એક જરૂરી માહિતી છે. ભારતીય રેલવેએ આ રૂટની 24 ટ્રેનોને 3 મહિના માટે કેન્સલ કરી દીધી છે અને સાથે જ 28 ટ્રેનના ફેરા પણ ઓછાં કરી દીધા છે.

ભારતીય રેલવેએ આ નિર્ણય વધતા ધુમ્મસને કારણે લીધો છે. વધી રહેલી ઠંડીની વચ્ચે ધુમ્મસની ચાદર વધુ ધૂંધળી થઇ રહી છે. જેણે રેલવેની સ્પીડને ઓછી કરી દીધી છે. હકીકતમાં, ઠંડીની સિઝનમાં ધુમ્મસને કારણે વિઝબિલિટી ઓછી થતી જાય છે. જેનાથી દુર્ઘટનાઓની આશંકા વધી જાય છે. એવામાં આવી સ્થિતિમાં, સાવચેતીના પગલા તરીકે, ભારતીય રેલ્વેએ કેટલીક ટ્રેનોનું સંચાલન 3 મહિના માટે બંધ કરી દીધું છે અને કેટલીક ટ્રેનોની ફ્રીક્વન્સી ઘટાડી દીધી છે.

ક્યાં રૂટ્સ વધારે થશે પ્રભાવિત

પટણા, પ્રયાગરાજ, હાવડા, અમૃતસર, કામાખ્યા, કોલકાતા, અજમેર અને અંબાલા સહિત અનેક જગ્યાના રૂટ્સ પર ટ્રેન રદ્દ કરવામાં આવી છે. એટલે કે દિલ્હી, પંજાબ, ઉત્તરપ્રદેશ, બિહાર, પશ્ચિમ બંગાળ અને અસમ સહિત અનેક રાજ્યોના રેલયાત્રી આનાથી પ્રભાવિત થશે. .