India: ટ્રમ્પ વહીવટીતંત્ર રશિયાના તેલ ખરીદવા બદલ ભારત સહિત પાંચ દેશો પર 100 ટકા ટેરિફ લાદવાની તૈયારી કરી રહ્યું છે. યુએસ સેનેટે બહુમતી મતે એક બિલને મંજૂરી આપી છે જે રશિયા અને તેના પેટ્રોલિયમ ઉત્પાદનોના મુખ્ય ખરીદદારો (જેમ કે ચીન અને ભારત) પર ટેરિફ લાદવાનો આદેશ આપી દીધો છે. આ બિલ રાષ્ટ્રપતિ ડોનાલ્ડ ટ્રમ્પને એ દેશો પર 100 ટકા ટેરિફ લગાવવાની મંજૂરી આપે છે કે જે રશિયન તેલ અને ગેસના ટોચના આયાતકાર છે.
યુએસ સેનેટરના ટેરિફ પર સવાલ
જોકે, ટ્રમ્પના આ નિર્ણયનો અમેરિકામાં પહેલેથી જ વિરોધ થઈ રહ્યો છે. એક યુએસ સેનેટરએ આ પગલા પર સવાલ ઉઠાવતા કહ્યું છે કે, "એવા સમયે જ્યારે આપણે ચીન સાથેની અમારી ચાલી રહેલી સ્પર્ધામાં ભારતનો ટેકો મેળવવાનો પ્રયાસ કરી રહ્યા છીએ, ત્યારે ભારત પર 100 ટકા ટેરિફ લાદવો એ સંપૂર્ણપણે આત્મઘાતી પગલું છે." ટ્રમ્પ વહીવટીતંત્રે અગાઉ રશિયન તેલ ખરીદતા દેશો પર પ્રતિબંધો લાદ્યા છે; જો કે, 100 ટકા ટેરિફના પ્રસ્તાવને ખાસ કરીને ગંભીર માનવામાં આવે છે. બિલ પાછળનો તર્ક એ છે કે આવા વેપાર યુક્રેનમાં યુદ્ધને વેગ આપે છે.