Vandemataram: 'વંદે માતરમ'ને લઈને વિવાદ વકરતો જાય છે. ત્યારે હવે વંદે માતરમના અપમાનને લઈને હવે સંરક્ષણ પ્રધાન રાજનાથ સિંહે જણાવ્યું છે કે કોંગ્રેસ પાર્ટી દ્વારા 'વંદે માતરમ'નું સન્માન કરવાનો ઔપચારિક ઇનકાર કરવાનો જ નહીં પરંતુ તેનો ખુલ્લેઆમ વિરોધ કરવાનો નિર્ણય અત્યંત દુર્ભાગ્યપૂર્ણ અને ગંભીર બંધારણીય ચિંતાનો વિષય છે. શુક્રવારે, રાજનાથ સિંહે સોશિયલ મીડિયા પ્લેટફોર્મ X પર એક વીડિયો સંદેશ બહાર પાડ્યો. તેમણે ટિપ્પણી કરી કે, ભારતના બંધારણ મુજબ, સંસદ દેશની સર્વોચ્ચ સંસ્થા છે, અને તેના દ્વારા પસાર કરાયેલ કોઈપણ કાયદો દરેક વ્યક્તિ માટે બંધનકર્તા છે.
'તેઓ સસ્તી લોકપ્રિયતા મેળવવા માટે રાજકારણમાં જોડાઈ રહ્યા છે'
'વંદે માતરમ' ને લગતા ચાલી રહેલા રાજકીય વિવાદ વચ્ચે કેન્દ્રીય આરોગ્ય પ્રધાન અને ભાજપના ભૂતપૂર્વ રાષ્ટ્રીય અધ્યક્ષ જેપી નડ્ડાએ કોંગ્રેસ પાર્ટી અને રાહુલ ગાંધી પર આકરા પ્રહારો કર્યા. એક પત્રકાર પરિષદને સંબોધતા, નડ્ડાએ રાહુલ ગાંધીને નોટંકી અને 'કેમેરાજીવી' તરીકે ઓળખાવતા કહ્યું કે તેઓ ફક્ત સસ્તી લોકપ્રિયતા મેળવવા માટે રાજકારણમાં જોડાઈ રહ્યા છે. તેમણે આરોપ લગાવ્યો કે કોંગ્રેસ પાર્ટી, જે 'વંદે માતરમ' મુદ્દા પર પોતાને ખૂણામાં ફસાવી રહી છે, તે લોકોનું ધ્યાન ભટકાવવા માટે વિરોધ પ્રદર્શનો અને નાટકોનો આશરો લઈ રહી છે.
https://x.com/rajnathsingh/status/2090706847141699751
રાજનાથ સિંહે સ્પષ્ટપણે કહ્યું, "જો કોઈ તેને સ્વીકારવાનો ઇનકાર કરે છે, તો બંધારણ પ્રત્યેની તેમની નિષ્ઠા ચોક્કસપણે શંકાના વાદળ હેઠળ આવે છે અને જો કોઈ રાષ્ટ્રગીતનું સન્માન કરવાનો ઇનકાર કરે છે, તો તેમની દેશભક્તિ પર પણ પ્રશ્નાર્થ ચિહ્ન ઊભો થાય છે."
હકીકતમાં, 1937 માં પસાર થયેલા ઠરાવ અનુસાર કોંગ્રેસ પાર્ટીએ 'વંદે માતરમ' ના ફક્ત પહેલી બે પંક્તિ ગાવાનો નિર્ણય લીધો છે. કોંગ્રેસનું કહેવું છે કે તે સમયે આ નિર્ણય મહાત્મા ગાંધી, જવાહરલાલ નેહરુ અને રવિન્દ્રનાથ ટાગોર જેવા ટોચના નેતાઓની સંમતિથી લેવામાં આવ્યો હતો. સંરક્ષણ પ્રધાન રાજનાથ સિંહ આનો વિરોધ કરતા કહે છે કે, "કોંગ્રેસ જે 1937નો ઠરાવનો ઉલ્લેખ કરે છે તે મુસ્લિમ લીગની કટ્ટરપંથી માંગણીઓ સામે ઝૂકીને પસાર કરવામાં આવ્યો હતો અને દેશને પાછળથી ભાગલાના રૂપમાં તેની કિંમત ચૂકવવી પડી હતી."
આ પણ વાંચો: Maharashtraમાં મરાઠી ન બોલનારા દોઢ લાખ ડ્રાઇવરોએ શીખી મરાઠી, 7 હજારથી વધુ ફેલ
