Weather : મધ્યપ્રદેશ-રાજસ્થાનમાં વરસાદનું ઓરેન્જ એલર્ટ, હિમાચલમાં 200 રસ્તાઓ બંધ કરાયા

દેશમાં હવે ચોમાસુ એક્ટિવ થઈ ગયુ છે. રાજધાની દિલ્હી સહિત ઉત્તર ભારતના મોટા ભાગના વિસ્તારોમાં જુલાઈના પહેલા અઠવાડિયામાં જોરદાર વરસાદ વરસી રહ્યો છે. મુશળધાર વરસાદને કારણે દિલ્હી-એનસીઆરના કેટલાક ક્ષેત્રોમાં પુરની સ્થિતિ સર્જાઈ છે. એનસીઆરનું ગુરુગ્રામ ફરી એક વખત ડુબી ગયુ છે. હજારો લોકો ઘરમાં કેદ થઈ ગયા છે. જો કે ખેડૂતો માટે વરસાદ વરદાન સમાન છે. તો બીજી બાજુ પહાડોમાં લેન્ડસ્લાઈડને કારણે લોકોને તકલીફ પડી રહી છે. 

હિમાચલ પ્રદેશમાં ભારે વરસાદની સ્થિતિ છે. વાદળ ફાટવા જેવી ઘટનાઓને કારણે અત્યાર સુધીમાં 46 લોકોના મોત થયા છે. પ્રદેશમાં હાલ 200થી વધુ રસ્તાઓ બંધ કરાયા છે. જો કે પ્રદેશના સિરમોર અને કાંગડામાં આજે વરસાદને લઈને એલર્ટ જાહેર કર્યું છે. હવામાનવિભાગે આજે દેશના ઘણા રાજ્યોમાં વરસાદને લઈને એલર્ટ જાહેર કર્યું છે. એવામાં આવો જાણીયે હવામાન વિભાગે વરસાદને લઈને શું ચેતવણી જાહેર કરી છે. 

હવામાન વિભાગ અનુસાર આજે ઉત્તરાખંડ, દિલ્હી, હિમાચલ પ્રદેશ, રાજસ્થાન, છત્તીસગઢ, મધ્ય પ્રદેશ, ઝારકંડ, ઓરિસ્સા સહિત 22 રાજ્યોમાં યલો એલર્ટ જાહેર કર્યું છે. 

હવામાન વિભાગના કહ્યા અનુસાર ઉત્તર પશ્ચિમિ ભારતના પૂર્વી રાજસ્થાન, ઉત્તરાખંડ અને હિમાચલ પ્રદેશમાં 11 થી 17 જૂલાઈ સુધી વરસાદ થવાની સંભાવના છે. તો જમ્મુ-કાશ્મીરમાં 14 થી 17 જુલાઈ સુધી, પશ્ચિમિ ઉત્તર પ્રદેશમાં 11 થી 15 જુલાઈ સુધી, દક્ષિણ હરિયાણામાં આજે, પૂર્વી ઉત્તર પ્રદેશમાં 12 થી 15 જુલાઈ સુધી વરસાદ થવાની સંભાવના છે.