Weather Update: દિલ્હી-એનસીઆર સહિત દેશભરના અનેક રાજ્યોમાં ચોમાસું ફરી સક્રિય થયું છે. આ અઠવાડિયાની શરૂઆતથીમઉત્તર ભારતના રાજ્યોમાં ભારે વરસાદ પડી રહ્યો છે. ગઈકાલે હવામાન વિભાગે દિલ્હી-એનસીઆર, ઉત્તર પ્રદેશ, બિહાર અને ઓડિશા સહિત 15 રાજ્યો અને કેન્દ્રશાસિત પ્રદેશો માટે વરસાદની ચેતવણી આપવામાં આવી હતી. હવામાન નિષ્ણાતો કહે છે કે પશ્ચિમ બંગાળ-ઓડિશા કિનારા નજીક બંગાળની ખાડીમાં ડીપ ડિપ્રેશન મજબૂત બન્યું છે. તેના કારણે દેશભરમાં ભારે વરસાદ પડી રહ્યો છે અને ચોમાસું સક્રિય છે. આવતીકાલે હવામાન કેવું રહેશે તે જાણો.
દિલ્હી-એનસીઆરમાં ભારે વરસાદ માટે યલો એલર્ટ
દિલ્હી-એનસીઆરમાં વરસાદી માહોલ છે. ગઈકાલથી સમગ્ર એનસીઆરમાં વરસાદ પડી રહ્યો છે. હવામાન વિભાગે આવતીકાલે પણ ભારે વરસાદ અને વાવાઝોડા માટે યલો એલર્ટ જારી કર્યું છે. આવતીકાલે મહત્તમ તાપમાન 32 ડિગ્રી અને લઘુત્તમ તાપમાન 25 ડિગ્રી રહેવાની ધારણા છે. સૌથી અગત્યનું 30 જુલાઈએ "વાવાઝોડા અને વીજળી" માટે ચેતવણી જારી કરવામાં આવી છે. બપોર અને રાત્રે હળવાથી મધ્યમ વરસાદ અને વીજળી પડવાની શક્યતા છે, સાથે જ ભારે પવનની પણ શક્યતાઓ છે.
ઉત્તર પ્રદેશના અનેક જિલ્લાઓમાં ભારે વરસાદ
હવામાન વિભાગે આવતીકાલે ઉત્તર પ્રદેશના અનેક જિલ્લાઓ માટે વરસાદની ચેતવણી પણ જારી કરી છે. IMD અનુસાર આવતીકાલે પશ્ચિમ ઉત્તર પ્રદેશના અનેક જિલ્લાઓમાં ભારે વરસાદની આગાહી છે, જેમાં ગાઝિયાબાદ, ગૌતમ બુદ્ધ નગર, મેરઠ, મથુરા, અલીગઢ અને બાગપતનો સમાવેશ થાય છે. પશ્ચિમ ઉત્તર પ્રદેશમાં 31 જુલાઈ સુધી વરસાદ ચાલુ રહેશે. આ ઉપરાંત 2 થી 4 ઓગસ્ટ દરમિયાન છૂટાછવાયા ભારે વરસાદની આગાહી છે. આવતીકાલે પૂર્વી ઉત્તર પ્રદેશના જિલ્લાઓમાં પણ વરસાદની આગાહી છે, 2 થી 4 ઓગસ્ટ દરમિયાન છૂટાછવાયા ભારે વરસાદની આગાહી છે.
બિહારમાં ભારે વરસાદ
હવામાન વિભાગે આવતીકાલે બિહારના અનેક જિલ્લાઓમાં વરસાદની આગાહી કરી છે. જોકે, કોઈ ચેતવણી જારી કરવામાં આવી નથી. 31 જુલાઈથી 4 ઓગસ્ટ દરમિયાન વ્યાપક વરસાદની આગાહી છે.
રાજસ્થાનના 22 જિલ્લાઓમાં વરસાદની ચેતવણી
રાજસ્થાનમાં ચોમાસુ સક્રિય છે. રાજધાની જયપુર સહિત રાજ્યના ઘણા ભાગોમાં ભારે વરસાદને કારણે સામાન્ય જનજીવન ખોરવાઈ ગયું છે. હવામાન વિભાગે રાજ્યના 22 જિલ્લાઓ માટે યલો એલર્ટ જારી કર્યું છે, જેમાં કહેવામાં આવ્યું છે કે ચોમાસું 2 ઓગસ્ટ સુધી સક્રિય રહેશે. હવામાન વિભાગના જણાવ્યા અનુસાર, 30 અને 31 જુલાઈના રોજ ઉદયપુર અને કોટા વિભાગના કેટલાક વિસ્તારોમાં ભારેથી અતિ ભારે વરસાદની સંભાવના છે.
જયપુર હવામાન કેન્દ્રના ડિરેક્ટર રાધેશ્યામ શર્માએ જણાવ્યું હતું કે પશ્ચિમ બંગાળ-ઓડિશા કિનારા નજીક બંગાળની ખાડીમાં ડિપ ડિપ્રેશન મજબૂત બન્ચું છે. આના કારણે ચોમાસાનો પ્રવાહ આ સિસ્ટમ તરફ આગળ વધ્યો છે, જેના કારણે રાજસ્થાનમાં ચોમાસાની પ્રવૃત્તિ શરૂ થઈ છે. તેમણે જણાવ્યું હતું કે આગામી ત્રણ દિવસ સુધી રાજ્યના મોટાભાગના ભાગોમાં વરસાદ ચાલુ રહેશે, જેમાં ઘણી જગ્યાએ ભારેથી અતિ ભારે વરસાદની શક્યતા છે.
આ રાજ્યોમાં આવતીકાલે વરસાદની ચેતવણી:
ખૂબ જ ભારે વરસાદ: પશ્ચિમ મધ્યપ્રદેશ, વિદર્ભ (મહારાષ્ટ્ર), હિમાચલ પ્રદેશ અને પંજાબ
ભારે વરસાદ: પૂર્વી મધ્યપ્રદેશ, છત્તીસગઢ, હરિયાણા, ચંદીગઢ, દિલ્હી, પશ્ચિમ ઉત્તર પ્રદેશ, પશ્ચિમ રાજસ્થાન, કોંકણ અને ગોવા, મહારાષ્ટ્ર, ગુજરાત અને લક્ષદ્વીપ
આ પણ વાંચો: Chinaમાં ફરી વધ્યા કોરોનાના કેસ, શું ભારતના લોકોએ ડરવાની જરૂર છે કે નહીં?
