પ્રધાનમંત્રી નરેન્દ્ર મોદી શનિવારે ઉઝબેકિસ્તાનના રાષ્ટ્રપતિ શવકત મિર્ઝીયોયેવના આમંત્રણ પર તાશ્કંદ જવા રવાના થયા છે. આ મુલાકાત દરમિયાન તેઓ શાંઘાઈ કોઓપરેશન ઓર્ગેનાઇઝેશન (SCO) સમિટમાં પણ હાજરી આપશે અને 31 ઓગસ્ટે કિર્ગિસ્તાનની પણ મુલાકાત લેશે. પીએમ મોદીની ઉઝબેકિસ્તાનની આ ચોથી મુલાકાત છે, જે બંને દેશો વચ્ચેના સંબંધોને વધુ મજબૂત બનાવશે.
https://twitter.com/ANI/status/2093543593051082898
બેઠકનો મુખ્ય એજન્ડા અને ચર્ચાના મુદ્દાઓ
તાશ્કંદમાં પ્રધાનમંત્રી મોદી અને રાષ્ટ્રપતિ મિર્ઝીયોયેવ વચ્ચે પ્રતિનિધિમંડળ સ્તરની મહત્વપૂર્ણ વાટાઘાટો થશે. બંને નેતાઓ વેપાર અને રોકાણ, સંરક્ષણ, ડિજિટલ કનેક્ટિવિટી, ઉર્જા, શિક્ષણ, ફાર્માસ્યુટિકલ, કૃષિ અને મહત્વપૂર્ણ ખનિજોના ક્ષેત્રોમાં સહયોગ વધારવાની સમીક્ષા કરશે. આ ઉપરાંત, "વિકસિત ભારત 2047" અને "ઉઝબેકિસ્તાન 2030" ના સહિયારા વિકાસ લક્ષ્યોને આગળ વધારવા પર પણ ચર્ચા કરવામાં આવશે. મુલાકાત દરમિયાન સાંસ્કૃતિક અને અન્ય ક્ષેત્રોના સહકાર માટે કેટલાક નવા એમઓયુ (MoU) પર પણ હસ્તાક્ષર થવાની શક્યતા છે.
દ્વિપક્ષીય વેપારમાં અભૂતપૂર્વ પ્રગતિ
ઉઝબેકિસ્તાનમાં ભારતના રાજદૂત સ્મિતા પંતના જણાવ્યા અનુસાર, ૨૦૧૫ની છેલ્લી દ્વિપક્ષીય મુલાકાત પછી બંને દેશોના વેપારમાં ૩૦૦% અને રોકાણમાં ૭૦૦% થી વધુનો મોટો વધારો થયો છે. ઉઝબેકિસ્તાન એક સંસાધન સમૃદ્ધ દેશ હોવાથી, બંને પક્ષો મહત્વપૂર્ણ ખનિજો માટે લાંબા ગાળાની પુરવઠા વ્યવસ્થા સ્થાપિત કરવા પર પણ ચર્ચા કરશે. જો કે, કનેક્ટિવિટી હજુ પણ એક મોટો અવરોધ છે, જેને દૂર કરવા માટે વિશેષ ચર્ચા હાથ ધરવામાં આવશે.
અન્ય કાર્યક્રમોની વિગતો
તાશ્કંદમાં રોકાણ દરમિયાન પીએમ મોદી શાસ્ત્રી સ્મારક અને તાશ્કંદ સ્ટેટ યુનિવર્સિટી ઓફ ઓરિએન્ટલ સ્ટડીઝ ખાતે આવેલા મહાત્મા ગાંધી કેન્દ્રની પણ મુલાકાત લેશે તેવી અપેક્ષા છે. અગાઉ બંને નેતાઓ 2023માં COP28, 2024 માં BRICS સમિટ અને ૨૦૨૫માં ચીનના તિયાનજિન ખાતે SCO સમિટમાં મળ્યા હતા. આ બે દિવસીય યાત્રા ભારત અને મધ્ય એશિયા વચ્ચેના સંબંધોને નવી ઊંચાઈઓ પર લઈ જવામાં અત્યંત મહત્વપૂર્ણ સાબિત થશે.
આ પણ વાંચોઃ Nepal Flood: નેપાળ સરકારનો યુ-ટર્ન, હવે વિદેશી સહાય સ્વીકારવા તૈયાર, ભારતે બતાવી દિલદારી
