ઈન્ટરનેશનલ સ્પેસ સ્ટેશન પર પહોંચેલા ભારતના એસ્ટ્રોનોટ શુભાંશુ શુક્લા અવકાશમાંથી પૃથ્વી પર સફળતાપૂર્વક પરત ફર્યા છે. આ મિશનમાં સામેલ ચારેય અવકાશયાત્રીઓ સોમવારે બપોરે સ્પેસ સ્ટેશનથી રવાના થયા હતા. અનડોક કર્યાના લગભગ 22.5 કલાક પછી તેમનું અવકાશયાન અમેરિકાના કેલિફોર્નિયાના કિનારે પહોંચ્યું છે. સ્પેસ કેપ્સ્યુલને એક ખાસ જહાજ દ્વારા પરત લાવવામાં આવી રહ્યું છે. કેન્દ્રીય મંત્રી ડૉ. જીતેન્દ્ર સિંહે CSIR ઓડિટોરિયમમાં એક્સિઓમ 4ના પૃથ્વી પર પરત ફરવાનું લાઈવ ટેલિકાસ્ટ પણ જોયું છે.
શુભાંશુ શુક્લાનો પરિવારે સિટી મોન્ટેસરી સ્કૂલમાં લાઈવ ટેલિકાસ્ટ જોયું
તમને જણાવી દઈએ કે આંતરરાષ્ટ્રીય અવકાશ મથક (ISS) પર 18 દિવસના રોકાણ પછી આજે ગ્રુપ કેપ્ટન શુભાંશુ શુક્લા અને એક્સિઓમ-4 ક્રૂના પેસિફિક મહાસાગરમાં લેન્ડિંગ જોવા માટે ગ્રુપ કેપ્ટન શુભાંશુ શુક્લાનો પરિવાર સિટી મોન્ટેસરી સ્કૂલમાં એકઠા થયો છે. પરિવાર પુત્રના પરત ફરવાની આતુરતાથી રાહ જોઈ રહ્યો છે.
મિશનથી ભારતને શું ફાયદો થશે?
ગ્રુપ કેપ્ટન શુભાંશુ શુક્લા અને ક્રૂના પાછા ફરવા પર નેહરુ પ્લેનેટેરિયમના પ્રોગ્રામ મેનેજરે જણાવ્યું હતું કે, “પ્રથમ વખત, ત્રણ દેશોના અવકાશયાત્રીઓ આ મિશનનો ભાગ છે, જેમાં ગ્રુપ કેપ્ટન શુભાંશુ શુક્લાનો પણ સમાવેશ થાય છે. તેમનો અનુભવ ભારતના ભવિષ્યના અવકાશ મિશન માટે મહત્વનો રહેશે. ચંદ્રયાનની સફળતા પછી ભારતે વૈશ્વિક અવકાશ મંચ પર તેની સ્થિતિ મજબૂત બનાવી છે. આવા મિશન ફક્ત આપણી દૃશ્યતામાં વધારો કરતા નથી પરંતુ ભારતને વૈશ્વિક શક્તિ તરીકે પણ રજૂ કરે છે. અમે જનતા અને ખાસ કરીને બાળકો અને યુવાનોને આ મિશન સાથે જોડવાનું કામ કરી રહ્યા છીએ. અમે વર્કશોપનું આયોજન કર્યું છે અને વિદ્યાર્થીઓ માટે ઈવેન્ટનું લાઇવ-સ્ટ્રીમિંગ કર્યું છે અને ગુંબજની અંદર અને બહાર લાઈવ જોવાની વ્યવસ્થા કરી છે. વડાપ્રધાન મોદીએ કહ્યું છે કે ભારત 2040 સુધીમાં અવકાશમાં મોટી પ્રગતિ કરવાનું લક્ષ્ય રાખે છે, જેમાં ગગનયાન, શુક્રાયાન અને અન્ય મિશન પાઇપલાઈનમાં છે.” શુભાંશુએ અવકાશ મથકમાં 18 દિવસ પસાર કર્યા છે.
શુભાંશુ શુક્લા અને એક્સિઓમ-4ના ત્રણ અન્ય અવકાશયાત્રીઓ આંતરરાષ્ટ્રીય અવકાશ મથક (ISS) પર 18 દિવસના રોકાણ પછી પૃથ્વી પર પરત ફર્યા છે. મિશન પાઈલટ શુક્લા સાથે કમાન્ડર પેગી વ્હિટસન, પોલેન્ડના મિશન નિષ્ણાતો સ્લેવોજ ઉજ્નાન્સ્કી-વિસ્નીવસ્કી અને હંગેરીના ટિબોર કાપુ પણ છે. ડ્રેગન ગ્રેસ અવકાશયાનનો હેચ, જે તેને આંતરરાષ્ટ્રીય અવકાશ મથક સાથે જોડતો હતો, તે ભારતીય સમય મુજબ બપોરે 2.37 વાગ્યે બંધ થઈ ગયો. ત્યારબાદ ક્રૂ સભ્યો ભારતીય સમય મુજબ સાંજે 4.35 વાગ્યે રવાના થયા. એક્સિઓમ-4 મિશન 25 જૂને તેની અવકાશ યાત્રા શરૂ કરી, જ્યારે ડ્રેગન સ્પેસ કેપ્સ્યુલ લઈને જતું ફાલ્કન-9 રોકેટ ફ્લોરિડાથી ISS તરફ ઉડાન ભરી.
