Telanganaમાં રોંગ સાઈડ ડમ્પરે રોડવેઝ બસને ટક્કર મારી, 17 લોકોનાં મોત

અકસ્માત નલગોંડા જિલ્લાના પેદ્દાદેવુલપલ્લી વિસ્તાર નજીક થયો હતો, જ્યાં બસ હૈદરાબાદથી વિજયવાડા તરફ જઈ રહી હતી. આ ભયાનક અથડામણમાં 17 લોકોનું ઘટનાસ્થળે જ મોત થયું, જ્યારે અનેક મુસાફરો ગંભીર રીતે ઘાયલ થયા છે.

પ્રત્યક્ષદર્શીઓના જણાવ્યા અનુસાર, ડમ્પર ખૂબ જ ઝડપી ગતિએ હતો અને ખોટી દિશામાં આવી રહ્યો હતો

પ્રત્યક્ષદર્શીઓના જણાવ્યા અનુસાર, ડમ્પર ખૂબ જ ઝડપી ગતિએ હતો અને ખોટી દિશામાં આવી રહ્યો હતો. બસ ચાલકને બચવાનો મોકો પણ ન મળ્યો અને બંને વાહનો આમને-સામને અથડાયા. ટક્કર પછી બસ અને ડમ્પર બંને રસ્તા પરથી ખસીને ઉલટી પડી ગયા. આસપાસના લોકોએ તરત જ પોલીસ અને એમ્બ્યુલન્સને જાણ કરી.

ઘાયલ લોકોને નજીકના સરકારી હોસ્પિટલ અને નલગોંડા જિલ્લા હોસ્પિટલમાં ખસેડવામાં આવ્યા

ઘાયલ લોકોને નજીકના સરકારી હોસ્પિટલ અને નલગોંડા જિલ્લા હોસ્પિટલમાં ખસેડવામાં આવ્યા છે. કેટલાક ઘાયલની હાલત ગંભીર હોવાનું કહેવાય છે. સ્થાનિક તંત્રએ રાહત અને બચાવ કામગીરી શરૂ કરી છે અને મૃતકોની ઓળખની પ્રક્રિયા ચાલી રહી છે.

આ ઘટના ફરી એક વાર ટ્રાફિક શિસ્ત અને માર્ગ સલામતીના નિયમોની અવગણનાને લઈને પ્રશ્નો ઉભા કરે છે

તેલંગાણાના મુખ્ય પ્રધાને અકસ્માત પર શોક વ્યક્ત કર્યો છે અને મૃતકોના પરિવારો માટે સહાયની જાહેરાત કરી છે. સાથે જ અધિકારીઓને ઘાયલોને ઉત્તમ સારવાર આપવા માટે નિર્દેશ આપ્યા છે.

આ ઘટના ફરી એક વાર ટ્રાફિક શિસ્ત અને માર્ગ સલામતીના નિયમોની અવગણનાને લઈને પ્રશ્નો ઉભા કરે છે. રોંગ સાઈડ ડ્રાઇવિંગ અને વધુ ઝડપ જેવા કારણો આજે પણ દેશભરમાં માર્ગ અકસ્માતોની મોટી કારણભૂત બાબતો છે. તંત્રએ તપાસના આદેશ આપ્યા છે જેથી ખબર પડી શકે કે ડ્રાઇવરની બેદરકારીથી આ ભયાનક અકસ્માત કેવી રીતે થયો.