- આજે લોકસભામાં વકફ બિલ સુધારા સાથે થશે રજૂ
- 12 વાગે કિરણ રિજિજૂ કરશે રજૂ
- કોંગ્રેસ દ્વારા વિરોધ કરવામાં આવશે
સંસદીય બાબતો અને લઘુમતી બાબતોના પ્રધાન કિરેન રિજિજુ આજે સંસદમાં વકફ બિલ રજૂ કરશે. કિરેન રિજિજુ લોકસભામાં વકફ (સુધારા) બિલ 2024 અને મુસ્લિમ વક્ફ બિલ 2024 રજૂ કરશે. ત્યારે લોકસભામાં આ વખતે હંગામો થવાના અણસાર છે. કારણ કે સુધારા બિલને લઇને વિપક્ષ દ્વારા વિરોધ કરવામાં આવશે.
વકફ બિલ સામે વિરોધ
વિપક્ષ કોંગ્રેસથી લઈને સમાજવાદી પાર્ટી સુધીના ઘણા વિપક્ષી દળો વકફ બિલના વિરોધમાં છે. સપાના વડા અખિલેશ યાદવે વકફ બિલનો વિરોધ કરવાની જાહેરાત કરી દીધી છે. આ ઉપરાંત કોંગ્રેસના સાંસદ હિબી એડને વકફ બિલના વિરોધમાં લોકસભામાં નિયમ 72 હેઠળ નોટિસ આપી છે.
વિરોધ કેમ ?
મહત્વનું છે કે અગાઉ અગાઉ 2013માં વક્ફ બિલમાં સંશોધન કરાયુ હતું. જેમાં વક્ફ બોર્ડને અમર્યાદિત અધિકાર મળ્યા હતા. જેથી નવા બીલમાં વક્ફ બોર્ડના અધિકાર સમિત કરાશે.
પ્રસ્તાવિત બીલમાં 40 સંશોધન કરાયા છે. વક્ફ સંપત્તિઓના સરવે માટે કલેક્ટરને સત્તા અપાશે. વક્ફ બોર્ડની સંપત્તિઓને મહિલાઓ ઉત્તરાધિકારી બનશે. વક્ફ બોર્ડની આવકની તપાસ થઇ શકશે .પરિણામે મુસ્લિમ આગેવાનોએ સંશોધન બિલનો વિરોધ કર્યો
સૌથી વધુ જમીન વક્ફ બોર્ડ પાસે
બિલ મુદ્દે લોકસભા એડવાઇઝરી કમિટીમાં ચર્ચા થઇ હતી. બિલથી વક્ફ બોર્ડનું સંચાલન પારદર્શી બનાવવા પ્રયાસ કરાશે. દેશમાં હાલમાં કુલ 32 જેટલા વક્ફ બોર્ડ કાર્યરત છે.
દેશમાં સંપત્તિ મામલે વક્ફ બોર્ડ ત્રીજા નંબરે જ્યારે રેલવે અને સેના બાદ વક્ફ બોર્ડ પાસે સૌથી વધુ જમીન છે.
