Patna Accident: ટેમ્પો-ટ્રક વચ્ચે ભયંકર અકસ્માત, કુલ 9ના મોત

બિહારની રાજધાની પટનામાં એક મોટો અકસ્માત થયો હોવાનું સામે આવ્યું છે. જેમાં ટેમ્પો-ટ્રકની ટક્કરમાં સાત લોકોના મોત થયા હતા. મળતી માહિતી મુજબ, આ અકસ્માત રવિવારે રાત્રે મસૌરી વિસ્તારમાં નૂરા પુલ પાસે થયો હતો. હાલમાં  પોલીસ ઘટનાસ્થળે પહોંચી, મૃતદેહોને પોતાના કબજામાં લઇને પોસ્ટમોર્ટમ માટે મોકલ્યા હતા. 

7 લોકોના ઘટના સ્થળે જ મોત 

મસૌરી પોલીસ સ્ટેશનના સ્ટેશન હાઉસ ઓફિસર (SHO) વિજય કુમારે જણાવ્યું હતું કે નુરા પુલ પાસે ટેમ્પો અને ટ્રક વચ્ચે ટક્કરની માહિતી મળ્યા બાદ પોલીસ ઘટનાસ્થળે પહોંચી હતી. રવિવારે રાત્રે લગભગ 9.30 વાગ્યે આ ટક્કર થઈ હતી. ટક્કર બાદ 7 લોકોના ઘટનાસ્થળે જ મોત થયા હતા.એસએચઓએ જણાવ્યું કે પીડિતોની ઓળખ કરવામાં આવી રહી છે. જોકે, ટ્રક ડ્રાઈવરની હજુ સુધી ધરપકડ કરવામાં આવી નથી. હાલમાં સમગ્ર મામલાની તપાસ કરવામાં આવી રહી છે અને અકસ્માતના કારણો પણ શોધવામાં આવી રહ્યા છે.

અકસ્માત કેવી રીતે થયો?

મસૌરી પીટવાંસ રોડ પર નુરા બજાર પુલ પાસે એક ટ્રક અને ઓટો વચ્ચે જોરદાર ટક્કર થઈ હતી. અકસ્માત બાદ બંને વાહનો રસ્તાની બાજુમાં પાણીમાં પડી ગયા હતા.  મૃતકોના પરિવારના સભ્યોના જણાવ્યા અનુસાર  બધા કામદારો મસૌરીથી ઓટો દ્વારા ખારાટ ગામ જઈ રહ્યા હતા. આ લોકો રોજિંદુ કામ માટે પટના જતા અને રાત્રે પાછા ફરતા હતા.  રવિવારે રાત્રે જ્યારે તેઓ પરત ફરી રહ્યો હતો ત્યારે આ અકસ્માત થયો હતો.