- PM પર ટિપ્પણીના કેસમાં દિલ્હી એરપોર્ટથી ધરપકડ કરાઈ હતી
- સમયના અભાવના કારણે સુનાવણી 17 માર્ચ સુધી મુલતવી રખાઈ
- પવન ખેડાને મેજિસ્ટ્રેટ કોર્ટે વચગાળાના જામીન આપ્યા હતા
સુપ્રીમ કોર્ટે શુક્રવારે વડાપ્રધાન નરેન્દ્ર મોદી વિરુદ્ધ તેમની કથિત વાંધાજનક ટિપ્પણીના સંબંધમાં કોંગ્રેસના નેતા પવન ખેડાને મંજૂર કરેલા વચગાળાના જામીન 17 માર્ચ સુધી લંબાવ્યા છે. આ કેસમાં આસામ પોલીસે ખેડાની ધરપકડ કરી હતી. મુખ્ય ન્યાયાધીશ ડી.વાય. ચંદ્રચુડ અને જસ્ટિસ પી.એસ. નરસિમ્હા અને જસ્ટિસ જે.બી. પારડીવાલાની બેન્ચે સમયની અછતને કારણે સુનાવણી 17 માર્ચ સુધી મુલતવી રાખી હતી. બેન્ચે કહ્યું કે ઉત્તર પ્રદેશ અને આસામના જવાબો રેકોર્ડ પર નથી અને તે હોળી વેકેશન પછી અરજી પર સુનાવણી કરશે.
કોર્ટે FIR પર જવાબ માંગ્યો હતો
આ કેસની છેલ્લી સુનાવણીમાં ચીફ જસ્ટિસ ડી.વાય. ચંદ્રચુડની આગેવાની હેઠળની બેન્ચે જણાવ્યું હતું કે આસામમાં એક અને યુપીમાં બે FIR નોંધવામાં આવી છે, આ મામલે જવાબો દાખલ કરશે. 23 ફેબ્રુઆરીના રોજ ખંડપીઠે ખેડાને સુપ્રીમ કોર્ટે રાહત આપી હતી. સુપ્રીમ કોર્ટે કહ્યું હતું કે ખેડાને દિલ્હીમાં મેજિસ્ટ્રેટ સમક્ષ રજૂ કર્યા બાદ વચગાળાના જામીન પર મુક્ત કરવામાં આવશે.
દિલ્હી એરપોર્ટ પરથી ધરપકડ કરવામાં આવી હતી
કોર્ટે સ્પષ્ટતા કરી હતી કે ખેડાને આપવામાં આવેલ વચગાળાના જામીન 17 માર્ચ સુધી લંબાવવામાં આવ્યા છે. અગાઉ 27 ફેબ્રુઆરીએ કોર્ટે કોંગ્રેસ પ્રવક્તા ખેડાને મળેલી સુરક્ષાને શુક્રવાર સુધી લંબાવી હતી. 17 ફેબ્રુઆરીએ મુંબઈમાં પ્રેસ કોન્ફરન્સ દરમિયાન વડાપ્રધાન મોદી વિરુદ્ધ તેમની કથિત ટિપ્પણીને લઈને ખેડાની દિલ્હી એરપોર્ટ પરથી ધરપકડ કરવામાં આવી હતી. બાદમાં અહીંની મેજિસ્ટ્રેટ કોર્ટે તેમને જામીન આપ્યા હતા.
