- આ અનોખી પહેલ શિક્ષણ, કૃષિ, આરોગ્ય, વીજળી, પરિવહન જેવા વિવિધ સામાજિક-આર્થિક ક્ષેત્રોમાં નવીનતાને પ્રોત્સાહન આપશે
- દેશને 5G ટેકનોલોજીના ઉપયોગમાં આગળ લઈ જશે
- પીએમ મોદીએ પ્રદર્શનમાં હાજરી આપી હતી
વડાપ્રધાન નરેન્દ્ર મોદીએ આજે પ્રગતિ મેદાનના ભારત મંડપમ ખાતે 7મી ઈન્ડિયન મોબાઈલ કોંગ્રેસ-2023નું ઉદ્ઘાટન કર્યું છે. આ કાર્યક્રમ દરમિયાન PM મોદીએ દેશભરની શૈક્ષણિક સંસ્થાઓને 100 '5G યુઝ કેસ લેબ્સ' પ્રદાન કરી. આ પ્રયોગશાળાઓ ‘100 5G લેબ્સ પહેલ’ હેઠળ વિકસાવવામાં આવી રહી છે. ‘100 5G લેબ્સ ઇનિશિયેટિવ’ એ 5G એપ્લિકેશનના વિકાસને પ્રોત્સાહિત કરીને 5G ટેક્નોલોજી સાથે સંકળાયેલી તકોને સાકાર કરવાનો પ્રયાસ છે. જે ભારતની ચોક્કસ જરૂરિયાતો તેમજ વૈશ્વિક માંગને પૂર્ણ કરશે. આ અનોખી પહેલ શિક્ષણ, કૃષિ, આરોગ્ય, વીજળી, પરિવહન જેવા વિવિધ સામાજિક-આર્થિક ક્ષેત્રોમાં નવીનતાને પ્રોત્સાહન આપશે અને દેશને 5G ટેકનોલોજીના ઉપયોગમાં આગળ લઈ જશે.
સ્ટાર્ટ-અપ ઇકોસિસ્ટમ બનાવવાની દિશામાં પણ એક મહત્વપૂર્ણ પગલું
વડાપ્રધાન નરેન્દ્ર મોદીએ આજે ભારત મંડપમ, પ્રગતિ મેદાન ખાતે 7મી ઈન્ડિયન મોબાઈલ કોંગ્રેસ-2023નું ઉદ્ઘાટન કર્યું. પીએમ મોદીએ કાર્યક્રમ પહેલા એક પ્રદર્શનમાં હાજરી આપી હતી. જ્યાં તેઓને નવી ટેકનોલોજી વિશે માહિતી આપવામાં આવી હતી.
સ્વદેશી ટેલિકોમ્યુનિકેશન ટેક્નોલોજીના વિકાસ તરફ એક પગલું છે
આ પહેલ દેશમાં 6G-તૈયાર શૈક્ષણિક અને સ્ટાર્ટ-અપ ઇકોસિસ્ટમ બનાવવાની દિશામાં પણ એક મહત્વપૂર્ણ પગલું છે. આ પહેલ સ્વદેશી ટેલિકોમ્યુનિકેશન ટેક્નોલોજીના વિકાસ તરફ એક પગલું છે, જે રાષ્ટ્રીય સુરક્ષા માટે પણ મહત્વપૂર્ણ છે. ઈન્ડિયન મોબાઈલ કોંગ્રેસ (IMC) એ એશિયાનું સૌથી મોટું ટેલિકોમ, મીડિયા અને ટેકનોલોજી ફોરમ છે, જે 27 થી 29 ઓક્ટોબર, 2023 દરમિયાન યોજાઈ રહ્યું છે. આ ઇવેન્ટ ટેલિકોમ્યુનિકેશન અને ટેક્નોલોજીમાં ભારતની અવિશ્વસનીય પ્રગતિને ઉજાગર કરવા, મહત્વપૂર્ણ જાહેરાતો કરવા અને સ્ટાર્ટ-અપ્સને તેમની નવીન પ્રોડક્ટ્સ અને સોલ્યુશન્સ પ્રદર્શિત કરવાની તક પૂરી પાડવા માટે એક પ્લેટફોર્મ તરીકે કામ કરશે.
