- લોકસભામાં રાહુલ ગાંધીએ હિંદુ સમાજને લઇને કર્યા પ્રહાર
- રાહુલ ગાંધી શિવજી અને ગુરુ નાનકની તસવીર લઇને આવ્યા
- રાહુલ ગાંધીને પીએમ મોદીએ આપ્યો જવાબ
લોકસભામાં આજે ધન્યવાદ પ્રસ્તાવ પર ઉગ્ર ચર્ચા થતી જોવા મળી. રાહુલ ગાંધી ભગવાન શિવની તસવીર લઈને સંસદમાં પહોંચ્યા અને કેન્દ્ર સરકાર પર આકરા પ્રહારો કર્યા. તેમણે કહ્યું કે સત્ય, અહિંસા અને હિંમત આપણા શસ્ત્રો છે. શિવનું ત્રિશૂળ અહિંસાનું પ્રતિક છે. પોતાના સંબોધન દરમિયાન રાહુલે કુરાન અને ગુરુ નાનકની તસવીર પણ બતાવી.
પોતાને હિંદુ કહેનારા 24 કલાક હિંસામાં વ્યસ્ત- રાહુલ ગાંધી
રાહુલ ગાંધીએ સંબોધન દરમિયાન કહ્યું કે મોદીજીએ એક દિવસ પોતાના ભાષણમાં કહ્યું હતું કે ભારતે ક્યારેય કોઈ પર હુમલો કર્યો નથી. તેનું કારણ છે. ભારત અહિંસાનો દેશ છે, તે ડરતો નથી. આપણા મહાપુરુષોએ આ સંદેશ આપ્યો હતો - ડરશો નહીં, ડરશો નહીં. શિવજી કહે છે- ડરશો નહીં, ડરશો નહીં અને ત્રિશૂળને જમીનમાં દાટી દો. બીજી બાજુ, જેઓ પોતાને હિંદુ કહે છે તેઓ 24 કલાક હિંસા-હિંસા-હિંસા...દ્વેષ-દ્વેષ-દ્વેષમાં વ્યસ્ત રહે છે... તમે બિલકુલ હિંદુ નથી. હિન્દુ ધર્મમાં સ્પષ્ટ લખ્યું છે કે સત્યનું સમર્થન કરવું જોઈએ.
પીએમ મોદીએ રાહુલને આપ્યો જવાબ
રાહુલ ગાંધીના નિવેદન પર શાસક પક્ષના સભ્યોએ હોબાળો શરૂ કર્યો હતો. પીએમ મોદી પોતાની ખુરશી પરથી ઉભા થયા અને કહ્યું કે સમગ્ર હિન્દુ સમાજને હિંસક કહેવું ગંભીર બાબત છે. તેના પર રાહુલ ગાંધીએ કહ્યું કે પીએમ મોદી અને ભાજપ આખો હિન્દુ સમાજ નથી.
નેતા વિપક્ષને ગંભીરતાથી લેવા જોઇએ- પીએમ મોદી
જ્યારે રાહુલ ગાંધીએ પોતાના નિવેદનમાં અયોધ્યાને લઇને નિવેદન આપ્યું તે દરમિયાન પણ પીએમ મોદી વચ્ચેથી ઉભા થયા તેમણે કહ્યું કે નેતા વિપક્ષને ગંભીરતાથી લેવા જોઇએ. સંવિધાને શીખવ્યુ છે નેતા વિપક્ષને ગંભીરતાથી લેવા જોઇએ
