- મોદીએ કહ્યું હાઈટેક ટ્રેનમાં યાત્રાનો અનુભવ મળ્યો
- રેલવેનું આ નવું રૂપ જોઈને હું ખુશખુશાલ છું
- દેશની પહેલી નમો ભારત ટ્રેનને કાત્યાયનીના આશીર્વાદ
દિલ્હી-ગાઝિયાબાદ-મેરઠ RRTS કોરિડોરનો પ્રથમ વિભાગ શરૂ થયો છે. પીએમ મોદીએ લીલી ઝંડી બતાવીને તેની શરૂઆત કરી હતી. તેમણે સાહિબાબાદ અને દુહાઈ ડેપો વચ્ચે દોડતી પ્રથમ રેપિડએક્સ ટ્રેનને પણ લીલી ઝંડી બતાવી હતી. આ રીતે દેશમાં પ્રથમ પ્રાદેશિક રેપિડ ટ્રાન્ઝિટ સિસ્ટમ શરૂ કરવામાં આવી હતી. અહીં લોકોને સંબોધિત કરતા પીએમે કહ્યું કે મેં મારું બાળપણ રેલવે પ્લેટફોર્મ પર વિતાવ્યું છે. પીએમ મોદીએ કહ્યું કે, નવરાત્રીનો તહેવાર ચાલી રહ્યો છે. તેમાં શુભ કાર્યની પરંપરા છે.
યુપીને અભિનંદન આપું છું
હું દિલ્હી-NCR અને સમગ્ર પશ્ચિમ યુપીને અભિનંદન આપું છું. આ RRTS કોરિડોર ભારતના નવા સંકલ્પને પરિપૂર્ણ કરે છે. રાજ્યના વિકાસને કારણે ભારતનો વિકાસ શક્ય બન્યો છે. કેન્દ્રીય મંત્રી હરદીપ સિંહ પુરીએ ગુરુવારે જાહેરાત કરી હતી કે, RRTS ટ્રેનોને 'નમો ભારત' તરીકે ઓળખવામાં આવશે. આને લઈને ઘણો વિવાદ થયો હતો અને કોંગ્રેસે પણ નામ પર સવાલો ઉઠાવ્યા હતા. યુપીના સાહિબાબાદમાં લોકોને સંબોધતા પીએમ મોદીએ કહ્યું કે, આજનો દિવસ દેશ માટે ઐતિહાસિક ક્ષણ છે.
દેશને સમર્પિત નવી સેવા
આજે ભારતની પ્રથમ ઝડપી રેલ સેવા – નમો ભારત ટ્રેન – શરૂ થઈ છે. તે દેશને સમર્પિત કરવામાં આવ્યું છે. તેમણે કહ્યું કે નમો ભારત ટ્રેનમાં આધુનિકતા અને ઝડપ બંને છે. આ નમો ભારત ટ્રેન નવા ભારતની નવી યાત્રા અને નવા સંકલ્પોને વ્યાખ્યાયિત કરી રહી છે. તેમણે બેંગલુરુમાં 2 મેટ્રો લાઇન આપવાની વાતનો પણ સામવેશ કરી દેવાયો છે. રાજસ્થાનમાં આ વર્ષે વિધાનસભાની ચૂંટણી યોજાવા જઈ રહી છે. અહીં ભાજપ અને કોંગ્રેસ વચ્ચે જંગ છે. પીએમ મોદીએ રાજસ્થાનનો ઉલ્લેખ કરતા કહ્યું કે અમે રાજસ્થાનમાં કહ્યું છે કે મુખ્યમંત્રી અશોક ગેહલોતના દિવસો ખરાબ છે.
દેશનું ચિત્ર બદલાયું છે
આ ટ્રેનને રાજસ્થાન પણ લઈ જવામાં આવશે. તેમણે કહ્યું કે ભારતીય રેલ્વે સમગ્ર વિશ્વમાં એક નવું સ્થાન પ્રાપ્ત કરશે. આપણા દેશનું ચિત્ર બદલાઈ ગયું છે. અમે કોરોનામાં કરોડો લોકોના જીવ બચાવ્યા. વિશ્વમાં ભારતની પ્રગતિની ચર્ચા થઈ રહી છે. ચાર વર્ષ પહેલાં મેં દિલ્હી-ગાઝિયાબાદ-મેરઠ પ્રાદેશિક કોરિડોર પ્રોજેક્ટનો શિલાન્યાસ કર્યો હતો. આજે સાહિબાબાદથી દુહાઈ ડેપો સુધી નમો ભારત સેવાઓ શરૂ થઈ છે. મેં પહેલા પણ કહ્યું હતું અને આજે પણ કહું છું - જેનો શિલાન્યાસ આપણે કરીએ છીએ, તેનું ઉદ્ઘાટન પણ આપણે કરીએ છીએ.
