- શ્રાવણનો મહિનો એટલે ઉત્સવનો મહિનો:PM
- ચંદ્રયાન - 3ની સફળતા પર દેશમાં ઉત્સવ:PM
- સંકલ્પના સુરજ ચંદ્ર પર પણ ઉગે છે:PM
વડાપ્રધાન નરેન્દ્ર મોદી આજે તેમના રેડિયો કાર્યક્રમ 'મન કી બાત'ના 104મા એપિસોડમાં સંબોધિત કરી રહ્યા છે. પીએમ મોદીએ પોતે ટ્વિટર પર આ માહિતી શેર કરી અને કહ્યું, સમગ્ર ભારતમાંથી પ્રેરણાદાયી જીવન પ્રવાસને પ્રકાશિત કરવામાં હંમેશા આનંદ થાય છે.' 'મન કી બાત'નો 103મો એપિસોડ 30 જુલાઈના રોજ પ્રસારિત થયો હતો. તે એપિસોડમાં પીએમ મોદીએ પહેલીવાર 'મેરી માટી મેરે દેશ' અભિયાનનો ઉલ્લેખ કર્યો હતો. સાથે સાથે સમગ્ર દેશમાં થઈ રહેલા ચોમાસાના વરસાદનો ઉલ્લેખ કર્યો.
મિશન ચંદ્રયાન એ ન્યૂ ઈન્ડિયાની ભાવનાનું પ્રતિક છે
આ દરમિયાન વડાપ્રધાન મોદીએ ચંદ્રયાનની સફળતાનો ઉલ્લેખ કરતા કહ્યું કે મિશન ચંદ્રયાન એ ન્યૂ ઈન્ડિયાની ભાવનાનું પ્રતિક છે. PM મોદીએ કહ્યું, ચંદ્રયાનની સફળતા ઘણી મોટી છે. તેની ચર્ચા સર્વત્ર થઈ રહી છે. ચંદ્રયાનની સફળતાએ બતાવ્યું છે કે સફળતાનો સૂરજ ચંદ્ર પર પણ ઉગે છે. તેમણે કહ્યું કે આ મિશન મહિલા શક્તિનું જીવંત ઉદાહરણ છે. વડાપ્રધાન મોદીએ કહ્યું કે ભારત આવતા મહિને યોજાનારી G-20 સમિટ માટે સંપૂર્ણ રીતે તૈયાર છે.
મોદીએ ચંદ્રયાનની સફળતા પર કવિતા વાંચી, અભીતો સૂરજ ઉગા હુઆ હૈ
PM મોદીએ ચીનમાં યોજાયેલી યુનિવર્સિટી ગેમ્સમાં મેડલ જીતનાર ખેલાડીઓ સાથે વાતચીત કરી હતી. પીએમ મોદીએ કહ્યું કે ચંદ્રયાનને ચંદ્ર પર પહોંચવામાં ત્રણ દિવસથી વધુ સમય લાગી રહ્યો છે. આ સફળતા એટલી મોટી છે કે તેની જેટલી ચર્ચા થાય એટલી ઓછી છે. પ્રધાનમંત્રીએ કહ્યું કે શ્રાવણ, ભગવાન શિવનો મહિનો, ઉજવણી અને ઉલ્લાસનો મહિનો છે. ચંદ્રયાનની સફળતાએ ઉજવણીના આ વાતાવરણને અનેકગણું ઉત્સાહથી ભરી દીધુ છે. PM એ કહ્યું કે મારા પરિવારના સભ્યો, 23 ઓગસ્ટે ભારત અને ભારતના ચંદ્રયાન એ સાબિત કર્યું છે કે ચંદ્ર પર પણ સંકલ્પનો સૂર્ય ઉગે છે.
'ચંદ્રયાન સ્ત્રી શક્તિનું જીવંત ઉદાહરણ છે'
આ મિશન મહિલા શક્તિનું જીવંત ઉદાહરણ છે. આ સમગ્ર મિશનમાં ઘણી મહિલા વૈજ્ઞાનિકો અને એન્જિનિયરો સીધી રીતે સામેલ થઈ છે. પીએમ મોદીએ કહ્યું, ભારતની દીકરીઓ હવે અનંત ગણાતી જગ્યાને પણ પડકાર આપી રહી છે. જ્યારે દેશની દીકરીઓ આટલી મહત્વાકાંક્ષી બની જાય છે તો તે દેશને વિકસિત થતા કોણ રોકી શકે છે.
PM મોદીએ કહ્યું- ભારત જી-20 માટે તૈયાર છે
વડાપ્રધાન મોદીએ કહ્યું કે સપ્ટેમ્બર મહિનો ભારતની ક્ષમતાનો સાક્ષી બનવા જઈ રહ્યો છે. ભારત આવતા મહિને યોજાનારી G-20 લીડર્સ સમિટ માટે સંપૂર્ણ રીતે તૈયાર છે. જી-20 કોન્ફરન્સના ઈતિહાસમાં આ અત્યાર સુધીની સૌથી મોટી ભાગીદારી હશે.
વિશ્વ સંસ્કૃત દિવસ પર અભિનંદન
પીએમે કહ્યું કે આ વખતે મને સંસ્કૃત ભાષામાં ઘણા પત્રો મળ્યા છે. તેનું કારણ એ છે કે શ્રાવણ મહિનાની પૂર્ણિમાની આ તારીખે વિશ્વ સંસ્કૃત દિવસ ઉજવવામાં આવે છે. પીએમએ આ પ્રસંગે એક શ્લોક પણ વાંચ્યો.
વિશ્વ સંસ્કૃત દિવસ પર આપ સૌને ખૂબ ખૂબ અભિનંદન
PM મોદીએ કહ્યું કે આપણે બધા જાણીએ છીએ કે સંસ્કૃત વિશ્વની સૌથી જૂની ભાષાઓમાંની એક છે. તેને ઘણી આધુનિક ભાષાઓની માતા પણ કહેવામાં આવે છે. તેમણે કહ્યું કે તેની પ્રાચીનતા સાથે, સંસ્કૃત તેની વૈજ્ઞાનિકતા અને વ્યાકરણ માટે પણ જાણીતી છે.
