- PM મોદી કરી રહ્યા છે મન કી બાત
- 99મી વખત PM મોદીની મન કી બાત
- આ કાર્યક્રમે અત્યાર સુધીમાં તેના 98 એપિસોડ પૂરા કર્યા છે
વડાપ્રધાન નરેન્દ્ર મોદી રવિવારે 'મન કી બાત' કાર્યક્રમ દ્વારા રાષ્ટ્રને સંબોધિત કરી રહ્યા છે. વડાપ્રધાન મોદીના માસિક રેડિયો કાર્યક્રમ 'મન કી બાત'નો આ 99મો એપિસોડ છે. 3 ઓક્ટોબર 2014 ના રોજ વિજયાદશમીના અવસર પર શરૂ થયેલ આ કાર્યક્રમે અત્યાર સુધીમાં તેના 98 એપિસોડ પૂરા કર્યા છે. પીએમ મોદીનો છેલ્લો 'મન કી બાત' કાર્યક્રમ 26 ફેબ્રુઆરીએ પ્રસારિત થયો હતો. મન કી બાત એ દર મહિનાના છેલ્લા રવિવારે ઓલ ઈન્ડિયા રેડિયો પર પ્રસારિત માસિક સંબોધન છે, જેના દ્વારા વડાપ્રધાન નરેન્દ્ર મોદી દેશવાસીઓ સાથે વાતચીત કરે છે.
દેશમાં ઓર્ગન ડોનેશનને લઈને જાગૃતતા વધી રહી છે
આપણે નવા સંકલ્પ સાથે આગળ વધી રહ્યા છીએ, 100માં એપિસોડ માટે તમારા સુચનો આપો. દેશમાં ઓર્ગન ડોનેશનને લઈને જાગૃતતા વધી રહી છે. વર્ષ 2022માં અંગદાનની સંખ્યા 15 હજારથી વધુ. અંગદાનથી અન્યને નવુ જીવન મળે છે.
અન્ય લોકોની ખુશી માટે, અમે આપણું સર્વસ્વ દાન કરતાં અચકાતા નથી: PM મોદી
પીએમ મોદીએ કહ્યું કે 'આપણા દેશમાં પરોપકારને એટલો ઊંચો સ્થાન આપવામાં આવ્યું છે કે લોકો બીજાની ખુશી માટે પોતાનું સર્વસ્વ દાન કરતાં અચકાતા નથી. તેથી જ આપણને નાનપણથી જ શિવ અને દધીચી જેવા શરીર દાતાઓની વાર્તાઓ કહેવામાં આવે છે. આધુનિક તબીબી વિજ્ઞાનના આ યુગમાં અંગદાન એ કોઈને જીવન આપવાનું ખૂબ જ મહત્વપૂર્ણ માધ્યમ બની ગયું છે.
એવું કહેવાય છે કે જ્યારે કોઈ વ્યક્તિ મૃત્યુ પછી પોતાના શરીરનું દાન કરે છે ત્યારે 8 થી 9 લોકોને નવું જીવન મળવાની સંભાવના રહે છે. વર્ષ 2013માં આપણા દેશમાં ઓર્ગન ડોનેશનના 5 હજારથી ઓછા કેસ હતા, પરંતુ 2022માં આ સંખ્યા વધીને 15 હજારથી વધુ થઈ ગઈ છે. અંગ દાન કરનારા લોકોએ, તેમના પરિવારજનોએ ખરેખર ખૂબ જ પુણ્યનું કાર્ય કર્યું છે.
જ્યાં ભારતના લોકોની 'મન કી બાત' છે, ત્યાં પ્રેરણા કંઈક અલગ છે: PM મોદી
પીએમ મોદીએ કહ્યું કે 'ઘણા લોકો એવા છે કે જેઓ પોતાનું આખું પેન્શન દીકરીઓના ભણતર માટે ખર્ચી નાખે છે, કેટલાક લોકો પોતાના આખા જીવનની કમાણી પર્યાવરણ અને જીવો માટે સમર્પિત કરે છે. મારા વ્હાલા દેશવાસીઓ, 'મન કી બાત'માં આપણે એવા હજારો લોકોની વાત કરી છે જેઓ બીજાની સેવા માટે પોતાનું જીવન સમર્પિત કરે છે.
