જમ્મુ કાશ્મીર વિધાનસભાની ચૂંટણીનું ત્રીજા તબક્કાનું મતદાન થવાનું છે. 1 ઑક્ટોબરે અંતિમ તબક્કાના મતદાનને લઇને તૈયારીઓને આખરી ઓપ આપી દેવામાં આવ્યો છે. ઇવીએમ સાથે ટીમ મતદાન કેન્દ્રો ખાતે જવા રવાના થઇ ગઇ છે. મહત્વનું છે કે 1લી ઑક્ટોબરે 40 બેઠકો પર મતદાન થશે. જ્યારે 8 ઑક્ટોબરે પરિણામ આવશે.
પ્રચાર પ્રસાર પૂર્ણ
જમ્મુ-કાશ્મીર વિધાનસભા ચૂંટણીના ત્રીજા અને અંતિમ તબક્કા માટેનો પ્રચાર રવિવારે સાંજે સમાપ્ત થઈ ગયો. આ ચૂંટણીમાં મુખ્ય રાજકીય પક્ષો ભાજપ, કોંગ્રેસ, એનસી અને પીડીપી વચ્ચે પાકિસ્તાન, કલમ 370, આતંકવાદ અને અનામત સહિતના ઘણા મુદ્દાઓ પર પ્રભુત્વ છે. જમ્મુ ક્ષેત્રના સાત જિલ્લા જમ્મુ, ઉધમપુર, સાંબા અને કઠુઆ અને ઉત્તર કાશ્મીરના બારામુલ્લા, બાંદીપોરા અને કુપવાડાની 40 વિધાનસભા મતવિસ્તારોને આવરી લેતા આ તબક્કા માટે 1 ઓક્ટોબરે મતદાન થવાનું છે.
બીજા તબક્કામાં કેટલું થયુ મતદાન ?
જમ્મુ-કાશ્મીર વિધાનસભા ચૂંટણીના બીજા તબક્કામાં 25 સપ્ટેમ્બરે 6 જિલ્લાની 26 વિધાનસભા બેઠકો પર મતદાન થયું હતું. ચૂંટણી પંચના આંકડા મુજબ, આ બેઠકો પર 57.31% મતદાન થયું હતું. છેલ્લી ચૂંટણી કરતાં આ 3% ઓછું છે. 2014માં આ બેઠકો પર 60% મતદાન થયું હતું. સૌથી વધુ મતદાન રિયાસીમાં 74.70% હતું, જ્યારે સૌથી ઓછું મતદાન શ્રીનગરમાં 29.81% હતું.
8 ઓક્ટોબરે પરિણામ
પ્રથમ તબક્કામાં મતદારોની સંખ્યા ઘણી સારી હતી. 18 સપ્ટેમ્બરે પ્રથમ તબક્કામાં 61.38 ટકા અને 26 સપ્ટેમ્બરે બીજા તબક્કામાં 57.31 ટકા મતદાન થયું હતું. ઓગસ્ટ 2019 માં બંધારણની કલમ 370 નાબૂદ થયા પછી જમ્મુ અને કાશ્મીરમાં આ પ્રથમ વિધાનસભા ચૂંટણી છે, જેના પરિણામો 8 ઓક્ટોબરે જાહેર કરવામાં આવશે.
