[[$googlead]]
મહાકુંભ ભારત અને સમગ્ર વિશ્વમાંથી આવતા ઋષિ-મુનિઓ માટે કેન્દ્રનું સ્થાન બન્યુ છે. આ વર્ષના મહાકુંભમાં એક અનોખી બાબત એ પણ એ છે કે, મહંત ઓમ કે જેમને 'ઈ-રિક્ષા બાબા' તરીકે પણ ઓળખવામાં આવે છે તેઓનું આગમન થયુ છે. તેઓ દિલ્હીથી પોતાના કસ્ટમાઇઝ્ડ થ્રિ વ્હિલરમાં આવ્યા છે. જેમાં રસોડુ અને સુવા માટેની પણ વ્યવસ્થાઓ છે. આ ઇ રિક્ષા તેમના માટે પરિવહનનું સાધન જ નહી પણ આશ્રમ જ છે તેમ કહીએ તો નવાઇ નહી.
દિલ્હીથી પ્રયાગરાજ આવ્યા ઇ રિક્શા બાબા
તેમણે ANI સાથે વાત કરતાં જણાવ્યું કે દિલ્હીથી અહીં સુધીની મારી સફરમાં લગભગ 12-13 દિવસનો સમય લાગ્યો હતો. મેં ધીમેથી ગાડી ચલાવી, આરામ કર્યો અને રસ્તામાં ભોજન લીધું. મારી ઈ-રિક્ષા મારું ઘર છે - તેમાં એક પથારી છે અને રસોઈ બનાવવા માટે જગ્યા છે. અને મારી દિનચર્યા માટે જરૂરી દરેક વસ્તુઓ છે. અહીં પૂજા, ધ્યાન, ભોજન અને લેખન પણ થાય છે.
આ ભવ્ય ધાર્મિક મેળાવડામાં હાજરી આપવા આવેલા મહંત ઓમે તેમની રોજિંદી જરૂરિયાતોને પહોંચી વળવા માટે તેમના વાહનમાં કાળજીપૂર્વક ફેરફાર કર્યા છે. રસોઈ અને ધ્યાનથી લઈને ખાવા અને આરામ કરવા સુધી, બધું જ આ નાની જગ્યામાં થાય છે. છત પરની સોલાર પેનલ ઈ-રિક્ષાને વીજળી પૂરી પાડે છે, જેથી ટકાઉ અને પર્યાવરણને અનુકૂળ બનાવે છે.
ઇ રિક્શા જ તેમનો આશ્રમ
મહંતે ક્યારેય રહેવાની જગ્યા પર ભરોસો કરતા ન હતા. તેમણે તેમના વાહનને તેમનું ઘર અને પૂજા સ્થળ બંને માન્યુ છે. તેમણે એક નાનું રસોડું બનાવ્યું છે જ્યાં તેઓ પોતાના માટે રસોઇ કરે છે. એક સૂવા માટેની પણ જગ્યા છે. આ ઉપરાંત વાહનમાં એક સાઉન્ડ સિસ્ટમ પણ છે જેમાં તેઓ ભક્તિના ગીતો વગાડે છે અને જ્યાં તેઓ જાય છે ત્યાં આધ્યાત્મિક વાતાવરણ બનાવે છે.
મહંત ઓમ તેમના પ્રવાસ દરમિયાન ધાર્મિક પત્રિકાઓ અને પુસ્તકોનું વિતરણ પણ કરે છે, જાગરૂકતા ફેલાવે છે અને "રામ રાજ્ય" સ્થાપિત કરવાના પોતાના દ્રષ્ટિકોણને પ્રોત્સાહન આપે છે. એક આદર્શ સમાજ કે જ્યાં દરેક સંતુષ્ટ અને વેદનાથી મુક્ત હોય. તેમનું માનવુ છે કે આ આદર્શ ત્યારે જ પ્રાપ્ત કરવામાં આવી શકે છે જ્યારે સમાજમાં ખુશી હોય, જે તેમના મિશન અને યાત્રાને પ્રોત્સાહન આપે છે.
650 કિમી મુસાફરી કરીને આવ્યા બાબા
બાબા કહે છે કે એક શુભેચ્છકે તેમને ઈ-રિક્ષા ભેટમાં આપી હતી . વધુમાં કહ્યું કે પહેલાં હું પેટ્રોલ વાહનનો ઉપયોગ કરતો હતો, પરંતુ ખર્ચ ઘણો વધારે હતો. પાછળથી કોઈએ મને ગેસથી ચાલતું વાહન ભેટમાં આપ્યું, પરંતુ તે પણ મોંઘું સાબિત થયું. આખરે, લખનૌના એક શુભેચ્છકે મને આ ઈ-રિક્ષા ભેટમાં આપી, જે સોલર પેનલ અને અન્ય સુવિધાઓથી સજ્જ છે, આ વાહન
હવે મારું ઘર અને આશ્રમ છે."
મહંત ઓમનો મોબાઈલ આશ્રમ તેમની ઓળખ બની ગયો છે અને તેઓ તેમના આદર્શો ફેલાવવા દેશભરમાં ફરે છે. તે પોતાની ઈ-રિક્ષામાં મહા કુંભ માટે દિલ્હીથી 650 કિલોમીટરની મુસાફરી કરી છે અને આ ભવ્ય ધાર્મિક કાર્યક્રમમાં તેમની તીર્થયાત્રા પૂર્ણ કરતી વખતે તે જ ઈ-રિક્ષામાં રહેવાની યોજના ધરાવે છે.
