કેન્દ્રીય રાજ્ય મંત્રી અને ભાજપના નેતા રવનીત સિંહ બિટ્ટુનું મોટું નિવેદન સામે આવ્યું છે. બિહારના ભાગલપુર પહોંચેલા રેલ રાજ્ય મંત્રી બિટ્ટુએ વિપક્ષના નેતા રાહુલ ગાંધીને દેશનો નંબર વન આતંકવાદી ગણાવ્યો છે. તેમણે કહ્યું કે, કોંગ્રેસ નેતા રાહુલ ગાંધી ગરીબોના ઘરે જઈને ફોટા પડાવે છે. તેમનો ઉછેર ભારતમાં નહીં પરંતુ વિદેશમાં થયો હતો. મોટાભાગનો સમય વિદેશમાં વિતાવ્યો છે. મિત્રો અને સંબંધીઓ બધા વિદેશી છે.
રવનીત સિંહ બિટ્ટુએ રાહુલ ગાંધી વિશે આપ્યું વિવાદિત નિવેદન
રવનીત સિંહ બિટ્ટુએ કહ્યું કે, રાહુલ ગાંધી પહેલા એવા લોકો પર નિવેદન આપે છે જેઓ દેશમાં મોસ્ટ વોન્ટેડ છે. આજે દેશમાં ગોળા બારૂદ બનાવવા માટે પ્રખ્યાત એવા લોકોએ જ રાહુલ ગાંધીના નિવેદનોની પ્રશંસા કરી છે. રાહુલે પણ આવું જ કહ્યું છે. તમે જુઓ કે જેઓ દેશના દુશ્મન છે, ગોળા બારૂદ મારીને કાપવાની વાત કરે છે, જેઓ ટ્રેનો અને રસ્તાઓ ઉડાવે છે તેઓ રાહુલ ગાંધીના સંપર્કમાં આવ્યા છે. આવી સ્થિતિમાં તમે અનુમાન લગાવી શકો છો કે જો કોઈને દેશમાં નંબર વન આતંકવાદી કહેવામાં આવે તો તે રાહુલ ગાંધી હશે.
રાહુલ દેશને બહુ પ્રેમ નથી કરતા: રવનીત સિંહ બિટ્ટુ
કેન્દ્રીય મંત્રીએ વધુમાં કહ્યું કે, અમને લાગે છે કે રાહુલ ગાંધીને દેશને બહુ પ્રેમ નથી કરતા એટલા માટે તેઓ બહાર જાય છે અને દરેક બાબતમાં ખોટા નિવેદનો આપે છે. ક્યારેક તેઓ OBCની વાત કરે છે તો ક્યારેક તેઓ જાતિની વાત કરે છે. શું બોલવું અને શું કરવું એનો તેમને ખ્યાલ નથી. અમે 2009માં એકસાથે સાંસદ બન્યા, પરંતુ આજ સુધી તે સમજી શક્યા નથી.
તેઓ ગરીબ લોકોની પીડાને સમજી શક્યા નથી
રાહુલ ગાંધીનો ઉલ્લેખ કરતા કેન્દ્રીય રાજ્ય મંત્રીએ કહ્યું કે, આજે પણ તેઓ રિક્ષાચાલક પાસે જાય છે, આજ સુધી તમને ખબર નથી પડી કે તેમનું દર્દ શું છે. તમે વિરોધ પક્ષના નેતા છો. તમે ગમે ત્યાં જઈને ફોટો ક્લિક કરાવો છો અને પછી તમે તેની મજાક ઉડાવો છો. આજે પણ તેઓ ગરીબ લોકોની પીડાને સમજી શક્યા નથી.
'રાહુલ ગાંધીએ મુસ્લિમોનો ઉપયોગ કર્યો'
ભાજપ નેતા બિટ્ટુએ કહ્યું કે, હવે જ્યારે તેણે શીખોમાં ભાગલા પાડવાની વાત કરી છે તો હું કહેવા માંગુ છું કે મને હાથમાં કડું પહેરવા કે પાઘડી પહેરવાથી કોઈએ રોક્યો નથી. જો કોઈ મને આ કરતા રોકશે તો હું આજે જ ભાજપ છોડી દઈશ. તેણે પહેલા મુસલમાનોની વચ્ચે ચિંગારી પેદા કરી અને બાદમાં તેનો ઉપયોગ કર્યો. હવે તમે જ તેમને સમજાવો કે બોર્ડર પર જે શીખો દેશની રક્ષા કરે છે રાહુલ ગાંધીએ શીખોમાં ભાગલા પાડવાનો પ્રયાસ કર્યો છે.
અમેરિકાના પ્રવાસે છે રાહુલ ગાંધી
હાલ વિપક્ષના નેતા રાહુલ ગાંધી અમેરિકાના પ્રવાસે છે. જ્યાં તેણે વિવિધ કાર્યક્રમોમાં ભાગ લીધો છે. પોતાના ભાષણોમાં રાહુલ ગાંધી ખાસ કરીને ભાજપ, વડાપ્રધાન નરેન્દ્ર મોદી અને હિન્દુ સંગઠનો પર નિશાન સાધતા જોવા મળે છે. પહેલા ટેક્સાસ, પછી વર્જીનિયા અને પછી વોશિંગ્ટનમાં રાહુલ ગાંધીના નિવેદનોને કારણે દેશનું રાજકારણ ગરમાયું છે.
