- મમતા સરકારે રામ નવમીના અવસર પર 17 એપ્રિલે રજાની જાહેરાત કરી
- દુર્ગા પૂજા, કાલી પૂજા અને સરસ્વતી પૂજા બંગાળમાં મોટા તહેવારો તરીકે ઉજવવામાં આવે છે
- બંગાળમાં રામ નવમી પર રજા ન હતી, આ વખતે સરકારે રજા જાહેર કરી છે
પહેલીવાર પશ્ચિમ બંગાળની મમતા સરકારે રામ નવમીના અવસર પર 17 એપ્રિલે રજાની જાહેરાત કરી છે. એજન્સીના જણાવ્યા અનુસાર સરકાર દ્વારા શનિવારે જારી કરવામાં આવેલા નિવેદનમાં આ જાણકારી આપવામાં આવી છે. દુર્ગા પૂજા, કાલી પૂજા અને સરસ્વતી પૂજા બંગાળમાં મોટા તહેવારો તરીકે ઉજવવામાં આવે છે. અન્ય ઘણા તહેવારો પર જાહેર રજાઓ હતી, પરંતુ બંગાળમાં રામ નવમી પર રજા ન હતી. આ વખતે સરકારે રજા જાહેર કરી છે. આ વખતે બંગાળ સરકારની આ જાહેરાતને ચૂંટણી વર્ષ તરીકે જોવામાં આવી રહી છે.
બીજેપીના આઈટી સેલના વડા અમિત માલવિયાએ ઝાટકણી કાઢી છે
મમતા બેનર્જીની આ જાહેરાત પર બીજેપીના આઈટી સેલના વડા અમિત માલવિયાએ ઝાટકણી કાઢી છે. અમિત માલવિયાએ કહ્યું કે મમતાએ પોતાની હિંદુ વિરોધી છબીનો લાભ લેવા માટે આવું કર્યું છે. પણ હવે ઘણું મોડું થઈ ગયું છે. ભાજપના આઈટી સેલના વડાએ સોશિયલ મીડિયા પ્લેટફોર્મ પર લખ્યું તેણે પોતાની હિંદુ વિરોધી છબીનો લાભ લેવા માટે આવું કર્યું છે. જોકે ઘણું મોડું થઈ ગયું છે. વધુ મહત્ત્વની વાત એ છે કે, તેમણે એ સુનિશ્ચિત કરવું પડશે કે રામ નવમીની શોભાયાત્રામાં પથ્થરમારો ન થાય. અંતે તેણે જય શ્રી રામ લખ્યું છે.
કોલકાતામાં મમતાની રેલી
તૃણમૂલ કોંગ્રેસ (TMC) રવિવારે કોલકાતાના પ્રખ્યાત બ્રિગેડ પરેડ ગ્રાઉન્ડ ખાતે એક વિશાળ રેલી સાથે લોકસભા ચૂંટણી પ્રચારની શરૂઆત કરશે. રેલી દ્વારા પાર્ટી સુપ્રીમો મમતા બેનર્જી સમર્થકોને એક કરવા અને ચૂંટણી માટે વાતાવરણ તૈયાર કરવાનું કામ કરશે. પાર્ટીનો દાવો છે કે રેલીમાં છથી આઠ લાખની ભારે ભીડ હોઈ શકે છે.
2019માં TMCની બેઠકો ઘટી
બ્રિગેડ પરેડ ગ્રાઉન્ડ એક ઐતિહાસિક સ્થળ છે જે શરૂઆતમાં બ્રિટિશ સંસ્થાનવાદી યુગ દરમિયાન પરેડ ગ્રાઉન્ડ તરીકે સ્થાપિત કરવામાં આવ્યું હતું. જાન્યુઆરી 2019માં વિપક્ષની બેઠક બાદ મેદાનમાં ટીએમસીની આ પ્રથમ મોટી રેલી છે. તેના મજબૂત પાયાના સંગઠન હોવા છતાં, ટીએમસીની બેઠક 2019 માં 34 થી ઘટીને 22 થઈ ગઈ, જ્યારે ભાજપે રાજ્યમાં 18 બેઠકો જીતી.
TMCની રેલી પહેલા કરવામાં આવી જાહેરાત
કોલકાતામાં યોજાનારી TMCની ચૂંટણી રેલીના એક દિવસ પહેલા રામ નવમી પર રજા જાહેર કરવામાં આવી છે. મુખ્યમંત્રી મમતા બેનર્જી રવિવારે (10 માર્ચ) કોલકાતાના બ્રિગેડ ગ્રાઉન્ડથી ચૂંટણી પ્રચારની શરૂઆત કરશે. પશ્ચિમ બંગાળમાં દુર્ગા પૂજા, કાલી પૂજા અને સરસ્વતી પૂજા હંમેશા ઉજવવામાં આવે છે, પરંતુ રામ નવમી અને હનુમાન જયંતિ જેવા તહેવારો પર હિંસક ઘટનાઓ જોવા મળે છે. બંગાળમાં, રામ નવમી અને હનુમાન જયંતિ હવે પહેલા કરતા મોટા તહેવારો તરીકે ઉજવવામાં આવે છે.
રામ નવમી પર પશ્ચિમ બંગાળના કેટલાક ભાગોમાં હિંસક ઘટનાઓ બની હતી
ગયા વર્ષે પણ રામ નવમી પર પશ્ચિમ બંગાળના કેટલાક ભાગોમાં હિંસક ઘટનાઓ બની હતી અને ભાજપે રાજ્ય સરકારને ઘેરી લીધી હતી. આવી સ્થિતિમાં આ વખતે ચૂંટણી પહેલા રાજ્ય સરકાર દ્વારા રામ નવમીની રજા જાહેર કરવાના પગલાને પણ હિન્દુ મતદારોના દિલ જીતવાના પ્રયાસ તરીકે જોવામાં આવી રહ્યા છે.
