- બેંગલુરુ રામેશ્વરમ કાફે બ્લાસ્ટ કેસ
- તપાસ NIAને સોંપાઇ
- NIAએ FIR દાખલ કરીને હાથ ધરી તપાસ
ગૃહ મંત્રાલય (MHA) એ બેંગલુરુમાં રામેશ્વરમ કાફે બ્લાસ્ટની તપાસ નેશનલ ઈન્વેસ્ટિગેશન એજન્સી (NIA)ને સોંપી દીધી છે. NIAએ ફરી કેસ નોંધીને તપાસ શરૂ કરી છે.
ઘટના શું હતી ?
બેંગલુરુના વ્હાઇટફિલ્ડ વિસ્તારમાં એક કેફેમાં 1 માર્ચે બ્લાસ્ટ થયો હતો. લંચની ભીડ દરમિયાન થયેલા વિસ્ફોટમાં અનેક લોકો ઘાયલ થયા હતા. બેંગલુરુના બ્રુકફીલ્ડ વિસ્તારમાં લોકપ્રિય ભોજનશાળા ધ રામેશ્વરમ કાફેમાં ઓછી-તીવ્રતાના વિસ્ફોટ બાદ છથી વધુ લોકો ઘાયલ થયા હતા. બેંગલુરુ પોલીસે કેફે વિસ્ફોટના સંબંધમાં કડક ગેરકાનૂની પ્રવૃત્તિઓ નિવારણ અધિનિયમ અને વિસ્ફોટક પદાર્થ અધિનિયમ હેઠળ કેસ નોંધ્યો હતો. વિસ્ફોટ 1 માર્ચે બપોરે 1 વાગ્યે થયો હતો અને પોલીસને સીસીટીવી ફૂટેજમાં પણ એક શંકાસ્પદ વ્યક્તિ કેફેની અંદર બેગ લઈને જતો જોવા મળ્યો હતો.
આ કલમ હેઠળ નોંધાયો ગુનો
બેંગલુરુના રામેશ્વરમ કેફેમાં બોમ્બ બ્લાસ્ટ મામલે પોલીસની 8-9 ટીમો અલગ-અલગ એંગલથી મામલાની તપાસ કરી રહી છે. દરમિયાન, પોલીસે આઈપીસીની કલમ 307, 471 અને યુએપીએની કલમ 16, 18 અને 38 હેઠળ એફઆઈઆર નોંધી છે. પોલીસ FIRમાં એક્સપ્લોઝિવ સબસ્ટન્સ એક્ટની કલમ 3 અને 4 પણ ઉમેરવામાં આવી છે. હવે કેન્દ્રીય તપાસ એજન્સી NIAની ટીમે પણ બેંગલુરુમાં રામેશ્વરમ કાફે બ્લાસ્ટ કેસની તપાસ શરૂ કરી દીધી છે.
પીડિતોને મળ્યા હતા CM સિદ્ધારમૈયા
શનિવારે CM સિદ્ધારમૈયા બેંગલુરુમાં કેફે બ્લાસ્ટના પીડિતોને હોસ્પિટલમાં મળ્યા હતા. તેમણે અધિકારીઓ સાથે તપાસ અંગે સમીક્ષા કરી હતી. બેંગલુરુના રામેશ્વરમ કાફેમાં બ્લાસ્ટ થયાને 20 કલાકથી વધુ સમય થઈ ગયો છે. પોલીસની સાથે જુદી જુદી એજન્સીઓ તપાસ કરી રહી છે. FSLની ટીમે ઘટનાસ્થળ પરથી પુરાવા એકત્ર કર્યા છે. બેંગલુરુના રામેશ્વરમ કેફેમાં થયેલા વિસ્ફોટ અંગે કર્ણાટકના સીએમ સિદ્ધારમૈયાએ કહ્યું, 'માસ્ક અને કેપ પહેરેલા એક વ્યક્તિ બસમાં આવ્યો, ટાઈમર સેટ કરીને વિસ્ફોટ કર્યો. નાયબ મુખ્યમંત્રી અને ગૃહમંત્રીએ ગઈકાલે ઘટના સ્થળની મુલાકાત લીધી હતી. જે દરમિયાન તેમણે નિવેદન આપ્યું હતું કે હું આજે હોસ્પિટલ અને ઘટના સ્થળે જઈશ. મને ખબર નથી કે આ કોઈ સંસ્થાનું કામ છે કે નહીં. ગંભીર તપાસ ચાલી રહી છે. ભાજપે આ મામલે રાજનીતિ ન કરવી જોઈએ. મેંગ્લોર બ્લાસ્ટ અને બેંગલુરુ બ્લાસ્ટ વચ્ચે કોઈ સંબંધ નથી. વિસ્ફોટ હજુ પણ ચાલુ છે અને તપાસ ચાલી રહી છે. રિપોર્ટ બાદ યોગ્ય કાર્યવાહી કરવામાં આવશે.
મેંગલુરુ બ્લાસ્ટ સાથે કનેક્શન?
પોલીસ અને NIA રામેશ્વરમ કાફે બ્લાસ્ટની અલગ-અલગ એંગલથી તપાસ કરી રહી છે. રાજ્યમાં અગાઉ થયેલા વિસ્ફોટો સાથે સામ્યતા અંગે તપાસ શરૂ કરવામાં આવી છે. પોલીસે મેંગલુરુમાં ઘણા સમય પહેલા થયેલા વિસ્ફોટ સાથે તેની સામ્યતાની તપાસ કરી છે. તપાસ દરમિયાન પોલીસનું ધ્યાન મેંગ્લોર કૂકર બ્લાસ્ટમાં વપરાયેલી સામગ્રી તરફ દોરવામાં આવ્યું હતું. રામેશ્વરમ કેફે બ્લાસ્ટમાં પણ આવી જ વસ્તુઓ મળી આવી છે. બેંગલુરુ બ્લાસ્ટ પછી નીકળેલા ધુમાડાની પેટર્ન મેંગલુરુ બ્લાસ્ટ જેવી જ છે. બંને જગ્યાએ વિસ્ફોટ કરવા માટે બેટરી, ડિટોનેટર, નટ અને બોલ્ટનો ઉપયોગ કરવામાં આવ્યો હતો. પોલીસ અધિકારીઓ આ પૃષ્ઠભૂમિની તપાસ કરશે. પોલીસ મેંગલોર બ્લાસ્ટના આરોપીઓની પૂછપરછ કરશે. પોલીસ શારિક અને તેના સાગરિતોની પૂછપરછ કરશે. શારિક અને ગેંગ હાલમાં બેંગલુરુ જેલમાં છે.
