- નવાઝ મોદીએ બે પુત્રી અને પોતાના માટે સંપત્તિમાંથી 75 ટકા ભાગ માંગ્યો
- ગૌતમ કુલ રૂપિયા 11,000 કરોડની સંપત્તિ ધરાવે છે
- ગૌતમ સિંઘાનિયા અને નવાઝ મોદીના કાનૂની સલાહકાર તરીકે નિમણૂક કરવામાં આવી
રેમન્ડના ચેરમેન અને એમડી ગૌતમ સિંઘાનિયાએ લગ્નના 32 વર્ષ પછી પત્ની નવાઝ મોદી સિંઘાનિયાથી અલગ થવા નિર્ણય લીધો છે. હવે અહેવાલ આવી રહ્યા છે કે પત્ની નવાઝ મોદી સિંઘાનિયાએ છૂટાછેડા માટે પતિ ગૌતમ સિંઘાનિયાની નેટવર્થના 75 ટકા જેટલો ભાગ બે પુત્રીઓ નિહારિકા-નિશા અને પોતાને આપવાની શરત મૂકી છે. ગૌતમ કુલ 1.1 અબજ ડોલર (અંદાજે 11,000 કરોડ)ની સંપત્તિ ધરાવે છે. ગૌતમ સિંઘાનિયાએ સોશિયલ મીડિયા પર 13 નવેમ્બરે પત્નીથી અલગ થઈ રહ્યા હોવાની જાણકારી આપી હતી. એક્સ પર ભાવુક પોસ્ટ મૂકતાં સિંઘાનિયાએ લખ્યું હતું કે,'અમારા માટે આ વર્ષની દિવાળી પહેલા જેવી નથી રહી. દંપતીના રૂપમાં અમે 32 વર્ષ સાથે રહ્યા. માતા-પિતાના રૂપમાં વિકસીને અમે હંમેશા એકબીજા માટે મજબૂતી સાથે ઊભા રહ્યા. અમારી પ્રતિબદ્ધતા અને ભરોસાની સફરમાં બે સુંદર પડાવ પણ આવ્યા. અમે બન્ને ભલે અલગ થઈ રહ્યા હોઈએ, પરંતુ પહેલાની જેમ જ પુત્રી નિહારિકા અને નિશા સિંઘાનિયાની દેખરેખ કરતા રહીશું.' આ ઘટનાક્રમ વચ્ચે હવે પત્નીએ સિંઘાનિયાની રૂપિયા 11,620 કરોડની સંપત્તિમાં 75 ટકા ભાગ માંગ્યો છે.
1991માં થયા હતા લગ્ન
