દિલ્હીની નીચલી અદાલતે ચાર વર્ષ પહેલા ફેબ્રુઆરી 2020માં ઉત્તર પૂર્વ દિલ્હીમાં થયેલા રમખાણોના કેસમાં 10 આરોપીઓને નિર્દોષ જાહેર કર્યા છે. કોર્ટે પોતાના નિર્ણયમાં કહ્યું હતું કે આ કેસમાં તમામ આરોપીઓ પર લાગેલા આરોપો શંકાની બહાર સાબિત થયા નથી, તેથી તેમને નિર્દોષ જાહેર કરવામાં આવ્યા છે.
કર્કરડૂમા કોર્ટે પોતાના નિર્ણયમાં આરોપીઓને નિર્દોષ જાહેર કરતા કહ્યું કે, ફરિયાદ પક્ષના 3 સાક્ષીઓના નિવેદનો અને પુરાવાઓ પર વિશ્વાસ કરી શકાય નહીં. આ કેસમાં તમામ આરોપીઓ પર લાગેલા આરોપો શંકાની બહાર સાબિત થયા નથી. કોર્ટે આરોપીઓને નિર્દોષ જાહેર કર્યા હતા અને શંકાનો લાભ પણ આપ્યો હતો.
દિલ્હી રમખાણો સાથે સંકળાયેલા આરોપીઓ નિર્દોષ છૂટ્યા
લાંબી સુનાવણી બાદ કરકરડૂમા કોર્ટે દિલ્હી રમખાણો સંબંધિત કેસમાં મોહમ્મદ શાહનવાઝ ઉર્ફે શાનુ, મોહમ્મદ શોએબ ઉર્ફે ચુટવા, શાહરૂખ, રાશિદ ઉર્ફે રાજા, આઝાદ, અશરફ અલી, પરવેઝ, મોહમ્મદ ફૈઝલ, રાશિદ ઉર્ફે મોનુ અને મોહમ્મદ તાહિરને નિર્દોષ જાહેર કર્યા હતા.
વર્ષ 2020 ની શરૂઆતમાં, ઉત્તર પૂર્વ દિલ્હીમાં 23 થી 25 ફેબ્રુઆરીની વચ્ચે રમખાણો દરમિયાન ધરણા પર બેઠેલી કેટલીક મહિલાઓ અને મસ્જિદ પર ટોળાના હુમલા સંબંધિત મામલાને લઈને દયાલપુર પોલીસ સ્ટેશનમાં એફઆઈઆર નોંધવામાં આવી હતી. ગયા મહિને 31 ઓગસ્ટના રોજ કર્કરડૂમા કોર્ટે આપેલા આદેશ પર સાડા 4 વર્ષ પછી સોમવારે આ કેસ નોંધવામાં આવ્યો હતો.
દિલ્હી રમખાણોમાં 50થી વધુ લોકોના જીવ હોમાયા
આ રમખાણો ઉપરાંત દિલ્હી પોલીસે પૂજા સ્થળને નષ્ટ કરવા અને આગ લગાડવા સંબંધિત કલમ લગાવી છે. આ કેસમાં ત્રણના નામ પણ સામે આવ્યા છે. આ મામલો બ્રિજપુરી પુલિયા ખાતે નાગરિકતા સંશોધન કાયદા (CAA) ના વિરોધમાં થયેલા વિરોધ સાથે સંબંધિત છે. વર્ષ 2024માં 23 ફેબ્રુઆરીથી 25 ફેબ્રુઆરી વચ્ચે થયેલા રમખાણોમાં 50થી વધુ લોકોએ જીવ ગુમાવ્યા હતા, જ્યારે મોટી સંખ્યામાં લોકો ઘાયલ થયા હતા. આ મામલે અત્યાર સુધીમાં 760 કેસ નોંધાયા છે.
