ઇન્ડોનેશિયાના રાષ્ટ્રપતિ પ્રબોવો સુબિયાન્ટો આ વર્ષે પ્રજાસત્તાક દિવસના મુખ્ય મહેમાન હશે. સુબિયાન્ટો 25 અને 26 જાન્યુઆરીએ ભારતમાં હાજર રહેશે. રાષ્ટ્રપતિ ભવનમાં તેમને ગાર્ડ ઓફ ઓનર પણ આપવામાં આવે છે આવી સ્થિતિમાં, પ્રશ્ન એ છે કે ભારત મુખ્ય મહેમાનની પસંદગી કેવી રીતે કરે છે અને સુબિયાન્ટોની ભારત મુલાકાતને શા માટે ખાસ માનવામાં આવી રહી છે?
આ વર્ષે પ્રજાસત્તાક દિવસની ઉજવણીના મુખ્ય મહેમાન ઇન્ડોનેશિયાના રાષ્ટ્રપતિ પ્રબોવો સુબિયાન્ટો હશે. સુબિયાન્ટો 25 અને 26 જાન્યુઆરીએ ભારતમાં હાજર રહેશે. ગયા વર્ષે, પ્રજાસત્તાક દિવસ નિમિત્તે, ફ્રાન્સના રાષ્ટ્રપતિ ઇમેન્યુઅલ મેક્રોન અને 2023માં જ્યારે કે ઇજિપ્તના રાષ્ટ્રપતિ અબ્દેલ ફત્તાહ અલ-સીસીએ ભારતની મુલાકાત લીધી હતી. ભારતમાં 26 જાન્યુઆરીના અવસર પર મુખ્ય મહેમાનને આમંત્રિત કરવાની પરંપરા વર્ષ 1950 માં શરુ થઈ હતાી.
વિદેશી મહેમાનો માટે સર્વોચ્ચ સન્માન
કોઈ વિદેશી નેતાને ભારતના મુખ્ય મહેમાન બનાવવું એ સર્વોચ્ચ સન્માન છે. તેઓ પ્રજાસત્તાક દિવસના તમામ સમારોહમાં હાજર રહે છે. તેમને 21 તોપોની સલામી પણ આપવામાં આવે છે. રાષ્ટ્રપતિ ભવનમાં તેમને ગાર્ડ ઓફ ઓનર આપવામાં આવે છે અને સાંજે ભારતના રાષ્ટ્રપતિ તેમના માનમાં એક ખાસ સ્વાગતનું આયોજન પણ કરે છે.
ખાસ કાર્યક્રમોનું આયોજન
તેઓ રાજઘાટની મુલાકાત લઈને રાષ્ટ્રપિતા મહાત્મા ગાંધીને શ્રદ્ધાંજલિ આપે છે ત્યારબાદ પ્રધાનમંત્રી તેમના માનમાં ખાસ કાર્યક્રમોનું આયોજન કરે છે જેમાં ઉપરાષ્ટ્રપતિ અને વિદેશ મંત્રી સહિત ઘણા મહાનુભાવો તેમને મળે છે. આ જ કારણ છે કે મુખ્ય મહેમાનને આપવામાં આવતું સન્માન ઘણી રીતે ખૂબ જ ખાસ હોય છે. મુખ્ય મહેમાનનું નામ લાંબી પ્રક્રિયા પછી નક્કી કરવામાં આવે છે.
પ્રજાસત્તાક દિવસ માટે મુખ્ય મહેમાનની પસંદગી કેવી રીતે થાય છે?
ભારતમાં પ્રજાસત્તાક દિવસ માટે મુખ્ય મહેમાનની પસંદગી કરવાની પ્રક્રિયા કાર્યક્રમના 6 મહિના પહેલા શરુ થતો હાય છે. મુખ્ય મહેમાનની પસંદગી કરતી વખતે ઘણી બાબતો ધ્યાનમાં રાખવામાં આવે છે. આ ખાસ પ્રસંગ માટે મુખ્ય મહેમાનનું નામ નક્કી કરતી વખતે ઘણી બાબતો ધ્યાનમાં લેવામાં આવે છે. જેમ કે - તે દેશ સાથે ભારતના સંબંધો કેવા રહ્યા છે. તેમનું સેના, રાજકારણ અને અર્થતંત્ર અને ભારત વચ્ચે શું જોડાણ છે? આવી બધી બાબતો પર ગંભીરતાથી વિચારણા કર્યા પછી જ વિદેશી મહેમાનનું નામ નક્કી કરવામાં આવે છે. તેને મંજૂરી આપવાનું કામ વિદેશ મંત્રાલય દ્વારા કરવામાં આવે છે.
