કોઇના બાપથી ડરતો નથી, અજિત પવાર પર ભડક્યા સંજય રાઉત

• સંજય રાઉતે અજિત પવાર પર સાધ્યુ નિશાન
  
• હું સામનામાં લખતો રહીશ, હું કોઈના બાપથી ડરતો નથી
•  હું MVAનો ચોકીદાર છું : સંજય રાઉત

શિવસેના (ઉદ્ધવ બાલ ઠાકરે)ના નેતા સંજય રાઉતે અજિત પવાર પર કડક વલણ બતાવતા સ્પષ્ટ કર્યું કે ઠાકરેની સેના તેમના પ્રત્યે આક્રમક છે. સંજય રાઉતે કહ્યું, "મેં સામનામાં સત્ય લખ્યું, જેના કારણે NCPમાં બીજેપીનું ઓપરેશન લોટસ નિષ્ફળ ગયું." તેમણે કહ્યું કે, મારા દ્વારા લખાયેલું સત્ય અજિત પવારને ડંખી રહ્યુ છે.

મીડિયા સાથે વાત કરતા સંજય રાઉતે કહ્યું, "આજે એનસીપીના ઘણા નેતાઓ પર કેન્દ્રીય તપાસ એજન્સીઓનું દબાણ છે અને આ દબાણને કારણે ભાજપ એનસીપીને તોડવાનો પ્રયાસ કરી રહી છે. જ્યારે શિવસેના તોડવામાં આવી હતી, ત્યારે અજિત પવાર અને તેમની પાર્ટીએ ઘણી વકીલાત કરી હતી. અજિત પવારને જ્યારે હું અત્યારે આવું કરી રહ્યો છું ત્યારે ખરાબ લાગે છે? હું MVAનો ચોકીદાર છું અને મારી જવાબદારી છે કે તેમાં સામેલ તમામ પક્ષો સાથે રહે."

હું કોઈના બાપથી ડરતો નથી - સંજય રાઉત

શિવસેના (ઉદ્ધવ બાલ ઠાકરે) નેતા સંજય રાઉતે કહ્યું, "હું સામનામાં લખતો રહીશ, હું કોઈના બાપથી ડરતો નથી." સંજય રાઉતે અજિત પવાર પર ટિપ્પણી કરી હતી. સામનામાં એક કોલમમાં લખ્યું, "ભાજપ અજિત પવાર સહિત એનસીપીના નેતાઓને ED તપાસ અને જેલની ધમકી આપી રહી છે. જરાંદેશ્વર સુગર મિલની ED તપાસમાં દાખલ કરવામાં આવેલી ચાર્જશીટમાં અજિત પવારનું નામ નથી. આ બળજબરીનું રાજકારણ છે."

NCPના પ્રવક્તા બની રહ્યા છે... - અજિત પવાર

મંગળવારે અજિત પવારે સંજય રાઉતનું નામ લીધા વિના પ્રતિક્રિયા આપી અને કહ્યું કે કેટલાક લોકો NCPના પ્રવક્તા બની રહ્યા છે જ્યારે અન્ય પક્ષો સાથે જોડાયેલા છે, તેમને તેમની પાર્ટી વિશે વાત કરવા જણાવવું પડશે. સંજય રાઉતે કહ્યું, અજિત પવાર મારી વિશ્વસનીયતા પર સવાલ ઉઠાવી શકે નહીં. માત્ર શરદ પવાર જ કરી શકે છે. હું હંમેશા લખતો રહીશ અને જો તે કોઈને નારાજ કરે તો શું? અજિત પવારને ખરાબ લાગે છે કારણ કે મેં સામનામાં સત્ય લખ્યું છે. મને કોઈ વાંધો નથી. સામનામાં લખેલી દરેક વાત સાચી છે. જો મેં લખ્યું ન હોત તો ભાજપનું ઓપરેશન લોટસ સફળ થાત.