સેબીનાં ચેરપર્સન માધવી પૂરી બૂચ અને તેમનાં પતિ ધવલ બૂચ દ્વારા કોંગ્રેસે તેમનાં પર કરેલા આક્ષેપોને ખોટા અને વાહિયાત ગણાવીને ફગાવી દેવામાં આવ્યા છે.
બંનેના સંયુક્ત નિવેદનમાં કોંગ્રેસ નેતાએ કરેલા આક્ષેપોનું ખંડન કરવામાં આવ્યું હતું. કોંગ્રેસે માધવી પૂરી બૂચ અને તેમનાં પતિ પર ગેરરીતિઓ તેમજ ભ્રષ્ટાચાર આચરવાના અને હિતોના ટકરાવના તેમજ ત્રણ કંપનીઓ પાસેથી પગાર મેળવવાના આક્ષેપો કર્યા હતા. માધવી પૂરી બૂચ અને તેમનાં પતિએ કહ્યું હતું કે તેમની પર કરવામાં આવેલા આક્ષેપો ખોટા, ઉપજાવી કાઢેલા અને અપમાનજનક ગણાવ્યા હતા. સંયુક્ત નિવેદનમાં કહેવામાં આવ્યું હતું કે, માધવી પૂરી બૂચ દ્વારા સેબીમાં સામેલ થયા પછી ક્યારેય અગોરા એડવાઇઝરી, અગોરા પાર્ટનર્સ, મહિન્દ્રા ગ્રૂપ, પીડીલાઇટ, ડૉ. રેડ્ડીઝ, અલ્વારેઝ એન્ડ માર્શલ, સેમ્બકોર્પ, વિસુ લિઝિંગ કે ICICI બેન્ક સાથે જોડાયેલી કોઈ ફાઈલ પર નિર્ણયો લીધા નથી. અમારી સામે કરવામાં આવેલા આરોપો ખોટા, દુર્ભાવનાપૂર્ણ અને અમારા સન્માનને હાનિ પહોંચાડનારા છે. તમામ આક્ષેપો ખોટા અને રાજકીય ઇરાદા પ્રેરિત છે. બૂચ દંપતીએ તેમની સામે કરવામાં આવેલા આક્ષેપોના સંદર્ભમાં કાનૂની પગલાં લેવા વિચારાઈ રહ્યું હોવાનાં સંકેતો આપ્યા હતા.
