Delhi Airport પરથી શશિ થરૂરનો આસિસ્ટન્ટ ઝડપાયો,સોનાની દાણચોરી મામલે શું છે કેસ?

• શશિ થરૂરના આસિસ્ટન્ટ શિવ કુમારને કસ્ટમ વિભાગે IGI એરપોર્ટ પરથી ઝડપ્યો
  
• શિવકુમાર તેના એક પરિચિત પાસેથી વિદેશથી લાવેલું સોનું હેન્ડઓવર લઈ રહ્યો હતો
• અલગ-અલગ કેસમાં આશરે રૂ. 1.23 કરોડના સોનાની દાણચોરી કરવા બદલ તેની ધરપકડ 

કેરળની તિરુવનંતપુરમ સીટના સાંસદ શશિ થરૂરના આસિસ્ટન્ટ શિવ કુમારને કસ્ટમ વિભાગે IGI એરપોર્ટ પરથી પકડી લીધો છે. શિવકુમાર તેના એક પરિચિત પાસેથી વિદેશથી લાવેલું સોનું હેન્ડઓવર લઈ રહ્યો હતો.

 આશરે રૂ. 1.23 કરોડના સોનાની દાણચોરી 

મળતી માહિતી મુજબ, કેરળની તિરુવનંતપુરમ સીટના સાંસદ શશિ થરૂરના આસિસ્ટન્ટ શિવ કુમારને કસ્ટમ વિભાગે સોનાની દાણચોરીના કેસમાં પકડ્યો છે. સૂત્રોનું કહેવું છે કે શિવકુમાર તેના એક પરિચિત પાસેથી વિદેશથી લાવેલું સોનું હેન્ડઓવર કરતો હતો. આ દરમિયાન કસ્ટમ્સે તેને દિલ્હીના IGI એરપોર્ટ પરથી ઝડપી પાડ્યો છે. તાજેતરમાં IGI એરપોર્ટ કસ્ટમ્સે ત્રણ શ્રીલંકાના નાગરિકોની ધરપકડ કરી હતી. અલગ-અલગ કેસમાં આશરે રૂ. 1.23 કરોડના સોનાની દાણચોરી કરવા બદલ તેની ધરપકડ કરવામાં આવી હતી. સોનાના દાણચોરો વિશે ઇનપુટ્સ મળ્યા પછી, વિભાગના અધિકારીઓએ રવિવારે કાઠમંડુથી ફ્લાઈટ દ્વારા અહીં પહોંચ્યા પછી એક આરોપીને પકડી લીધો હતો.

તપાસ દરમિયાન 860.38 ગ્રામ સોનું ઝડપાયું હતું

જ્યારે અધિકારીઓએ તેની તપાસ કરી ત્યારે 860.38 ગ્રામ સોનું મળી આવ્યું હતું. તેની કિંમત 55 લાખ રૂપિયા હોવાનું કહેવાય છે. વિભાગે કહ્યું કે શ્રીલંકાના અન્ય બે મુસાફરોને રવિવારે કોલંબોથી આવ્યા બાદ ચેકિંગ માટે રોકવામાં આવ્યા હતા જ્યારે તેમના સામાનની તપાસ કરવામાં આવી હતી, જેની કિંમત 67.82 લાખ રૂપિયા છે.