- હિમાચલ પ્રદેશની રાજધાની શિમલામાં મોટી દુર્ઘટના
- એક કાર 200 મીટર ઊંડી ખીણમાં ખાબક્તા 2ના મોત
- ઘટનામાં અન્ય 3 લોકોને હોસ્પિટલમાં સારવાર અર્થે ખસેડાયા
હિમાચલ પ્રદેશની રાજધાની શિમલામાં એક કાર 200 મીટર ઊંડી ખીણમાં પડી હતી. આ અકસ્માતમાં 2 લોકોના મોત થયા હતા અને 3 લોકો ઘાયલ થયા હતા. પોલીસે બુધવારે જણાવ્યું હતું કે, આ ઘટના મંગળવારે રાત્રે સમરકોટ-સુંગરી લિંક રોડ પર બની હતી, જ્યારે પીડિતો રોહરુથી શિમલા જઈ રહ્યા હતા.
પોલીસના જણાવ્યા અનુસાર કારના ડ્રાઈવરે કાર પરથી કાબુ ગુમાવી દીધો હતો, જેના કારણે તે ખાડામાં ખાબકી હતી. આ ઘટનામાં જે લોકોએ જીવ ગુમાવ્યો તેમની ઓળખ બિલાસપુર જિલ્લાના ભોજપુર ગામના રહેવાસી લકી શર્મા (ઉ.વ.25) અને સોલન જિલ્લાના નવગાંવ, અરકીના ઈશાંત (ઉ.વ.23) તરીકે થઈ છે. મૃતકોના મૃતદેહને પોસ્ટમોર્ટમ બાદ તેમના પરિવારજનોને સોંપવામાં આવશે. ત્રણ ઘાયલ ભરત, પંકજ અને રાકેશ રોહરુની સિવિલ હોસ્પિટલમાં સારવાર હેઠળ છે.
