મહારાષ્ટ્રમાં વિધાનસભા ચૂંટણી વચ્ચે રોકડ રકમ જપ્ત કરવામાં આવી રહી છે. ક્યારેય કરોડો રૂપિયા કેશ મળી આવે છે તો હવે છ ટન ચાંદીની ઇંટો મળી આવી છે. મુંબઇની વિક્રોલીમાં કેશ વેનમાંથી સાડા 6 ટન ચાંદીની ઇંટો જપ્ત કરવામાં આવી છે. જેની કિંમત કરોડોમાં હોવાનું કહેવામાં આવે છે. મળતી માહિતી મુજબ વિક્રોલી પોલીસ અને ચૂંટણી પંચની તપાસ ટીમ દ્વારા જપ્ત કરવામાં આવેલી કેશ વેનમાં ચાંદીની ઈંટો મળી આવી છે.
કરોડો રૂપિયાની કિંમતની આ ચાંદીની ઈંટો બ્રિન્ક્સ કંપનીના વાહનમાં મુલુંડના એક વેરહાઉસમાં રાખવામાં આવી હતી. આ ચાંદીની ઈંટો કોની છે તે અંગે તપાસ કરવામાં આવી રહી છે. આ કેસમાં વધુ તપાસ ચાલી રહી છે
મહારાષ્ટ્ર વિધાનસભાની ચૂંટણી માટે સમગ્ર રાજ્યમાં પોલીસ સતર્ક બની છે અને વિવિધ સ્થળોએ નાકાબંધી કરી રહી છે. હવે પાલઘરમાં વાડા પોલીસે એક કારમાંથી 3.70 કરોડ રૂપિયાથી વધુની રકમ જપ્ત કરી છે. આ પછી ડ્રાઈવર અને કારને પોલીસ સ્ટેશન લઈ આવ્યા અને તપાસ કરવામાં આવી રહી છે.
આદર્શ આચાર સંહિતા માર્ગદર્શિકા મુજબ કાર્યવાહી
કાર નવી મુંબઈના ઐરોલીથી વાડા વિક્રમગઢ જઈ રહી હતી. આ કાર એક કંપનીની હતી અને તેઓએ દાવો કર્યો હતો કે રોકડ એટીએમમાં ભરવાની હતી, પરંતુ તેમની પાસે આટલી મોટી રકમ માટે જરૂરી દસ્તાવેજો ન હતા, તેથી અમે રોકડ જપ્ત કરી કાર્યવાહી હાથ ધરી હતી.. વાડા પોલીસે વધુમાં જણાવ્યું હતું કે તે આદર્શ આચાર સંહિતા માર્ગદર્શિકા મુજબ કાર્યવાહી કરી રહી છે.
મુંબઈ પોલીસે 12 લોકોની અટકાયત કરી હતી
આના એક દિવસ પહેલા મુંબઈ પોલીસે કાલબાદેવી વિસ્તારમાં 2 કરોડ રૂપિયાથી વધુની રોકડ જપ્ત કરી છે અને 12 લોકોની અટકાયત કરી હતી.. આ વસૂલાત અંગે આવકવેરા વિભાગને જાણ કરવામાં આવી હતી, અને અટકાયત કરાયેલા લોકોની વધુ પૂછપરછ ચાલી રહી છે. મુંબઈ પોલીસે આ માહિતી આપી હતી.
