સુપ્રીમ કોર્ટે મોહમ્મદ ઝુબૈરને ઉત્તર પ્રદેશનના તમામ કેસમાં વચગાળાના જામીન મંજૂર

• ઝુબૈર વિરુદ્ધ રચાયેલ ઉત્તર પ્રદેશની SITને પણ ભંગ કરવામાં આવી છે 
  
• ઝુબૈર સામેના તમામ કેસોની તપાસ દિલ્હી પોલીસ કરશે 
• સુપ્રીમ કોર્ટે 6 FIR રદ કરવાનો ઇનકાર કરી દીધો

ઓલ્ટ ન્યૂઝના સંસ્થાપક અને ફેક્ટ ચેકર મોહમ્મદ ઝુબૈરને સુપ્રીમ કોર્ટમાંથી ઉત્તર પ્રદેશના તમામ કેસમાંથી વચગાળાના જામીન મળી ગયા છે. સુપ્રીમ કોર્ટે ઝુબૈર વિરુદ્ધની તમામ FIR દિલ્હી પોલીસને ટ્રાન્સફર કરી દીધી છે. તેમજ , ઝુબૈર વિરુદ્ધ રચાયેલી ઉત્તર પ્રદેશની SITને પણ વિખેરી નાખવામાં આવી છે. કોર્ટના આદેશ મુજબ, ઝુબૈર જો આ કેસમાં કોઈ નવી FIR નોંધવામાં આવશે તો પણ ઝુબૈરને રક્ષણ મળશે. જો તેઓ ઈચ્છે તો દિલ્હી હાઇકોર્ટમાં અરજી દાખલ કરીને FIR રદ્દ કરવાની માંગ કરી શકે છે. 

કોર્ટે કહ્યું છે કે, હવે ઝુબૈર સામેના તમામ કેસોની તપાસ દિલ્હી પોલીસ કરશે અને આ કેસ દિલ્હી હાઈકોર્ટના અધિકારક્ષેત્રમાં રહેશે. જોકે, સુપ્રીમ કોર્ટે 6 FIR રદ કરવાનો ઇનકાર કરી દીધો છે. આ માટે આરોપીને દિલ્હી હાઈકોર્ટમાં અપીલ કરવાનું કહેવામાં આવ્યું છે.

કોર્ટે કહ્યું કે "ઝુબૈરને સતત જેલમાં રાખવાનું કોઈ કારણ નથી, તેને તાત્કાલિક જામીન આપો." કોર્ટે કહ્યું કે કોઈ નવી FIRમાં ઝુબૈરની ધરપકડ કરવામાં નહીં આવે.

ઉત્તર પરદેશ સરકારે સુનાવણીમાં શું કહ્યું?

તમને જણાવી દઈએ કે આજે ઉત્તર પરદેશ સરકારે સુપ્રીમ કોર્ટમાં ઝુબૈરની અરજી સામે સખત દલીલો કરી હતી. સરકારે પોતાની દલીલમાં કહ્યું કે, "આરોપી પત્રકાર નથી. તેઓ પોતાને ફેક્ટ ચેકર્સ કહે છે. તેમની ટ્વીટ ઝેર ફેલાવે છે. તેઓને આ ટ્વીટ માટે પૈસા મળે છે. તેઓને ભડકાઉ ટ્વીટસ માટે વધુ પૈસા મળે છે. ઉત્તર પ્રદેશ પોલીસને જાણ કરવાને બદલે, તેઓ એવા વીડિયો અને ભાષણોનો લાભ લે છે જે દેશમાં સાંપ્રદાયિક ભાવના પેદા કરી શકે છે."

સરકારે એ પણ કહ્યું છે કે ઝુબૈરને દર મહિને 12 લાખ રૂપિયા મળે છે. “ટ્વિટ માટે ઝુબૈરે સ્વીકાર્યું છે કે તેને 2 કરોડ રૂપિયા મળ્યા છે.”