- SCએ મથુરામાં વિવાદિત જગ્યાના સર્વે પર પ્રતિબંધ મૂક્યો
- અલ્હાબાદ હાઈકોર્ટે સર્વે કરવાનો આદેશ આપ્યો હતો
- વધુ સુનાવણી 23 જાન્યુઆરીએ હાથ ધરાશે
સુપ્રીમ કોર્ટે મથુરામાં શ્રી કૃષ્ણ જન્મભૂમિ-શાહી ઇદગાહ મસ્જિદ વિવાદના સંબંધમાં મસ્જિદનું નિરીક્ષણ કરવા માટે કમિશનરની નિમણૂક કરવાના અલ્હાબાદ હાઇકોર્ટના આદેશ પર રોક લગાવી દીધી છે. શ્રી કૃષ્ણ જન્મભૂમિ કેસમાં હિન્દુ પક્ષને ઝટકો લાગ્યો છે. SCએ મથુરામાં વિવાદિત જગ્યાના સર્વે પર પ્રતિબંધ મૂક્યો છે. અલ્હાબાદ હાઈકોર્ટે સર્વે કરવાનો આદેશ આપ્યો હતો. વધુ સુનાવણી 23 જાન્યુઆરીએ હાથ ધરાશે
ગયા વર્ષે 14 ડિસેમ્બરે અલ્હાબાદ હાઈકોર્ટે મથુરામાં શ્રી કૃષ્ણ જન્મભૂમિ મંદિરની બાજુમાં આવેલા શાહી ઈદગાહ સંકુલના સર્વેને મંજૂરી આપી હતી, જેની સામે મુસ્લિમ પક્ષે સુપ્રીમ કોર્ટમાં અરજી કરી હતી.
હાઈકોર્ટે કઈ અરજી પર નિર્ણય આપ્યો?
ભગવાન શ્રી કૃષ્ણ વિરાજમાન અને અન્ય 7 લોકોએ વકીલો હરિ શંકર જૈન, વિષ્ણુ શંકર જૈન, પ્રભાષ પાંડે અને દેવકી નંદન મારફત અલ્હાબાદ હાઈકોર્ટમાં શાહી ઈદગાહમાં સર્વેની માંગણી કરીને ASI સર્વેની માંગણી કરી હતી. અરજીમાં દાવો કરવામાં આવ્યો હતો કે ભગવાન શ્રી કૃષ્ણનું જન્મસ્થળ મસ્જિદની નીચે છે અને એવા ઘણા સંકેતો છે જે સાબિત કરે છે કે મસ્જિદ એક હિન્દુ મંદિર હતું.
હિંદુ પક્ષના વકીલ વિષ્ણુ શંકર જૈને કહ્યું હતું કે અરજીમાં અલ્હાબાદ હાઈકોર્ટ સમક્ષ એવી રજૂઆત કરવામાં આવી હતી કે ત્યાં કમળના આકારનો સ્તંભ છે જે હિંદુ મંદિરોની વિશેષતા છે.
