ભાજપે ઉમેદવારોની બીજી યાદી કરી જાહેર, કુલ 267 ઉમેદવારો ઉતાર્યા મેદાનમાં

• લોકસભા ચૂંટણીને લઇ ભાજપની તડામાર તૈયારી
  
• ભાજપે ઉમેદવારોની બીજી યાદી કરી જાહેર
• ભાજપે 72 ઉમેદવારો ઉતાર્યા મેદાનમાં.

લોકસભા ચૂંટણીની જાહેરાત પહેલા જ ભાજપ તેના તમામ ઉમેદવારોની જાહેરાત કરવા માંગે છે. આથી ઉમેદવારોના નામ પર ઝડપથી મંથન કરવામાં આવી રહ્યું છે. ભાજપે એક યાદી જાહેર કરી છે, જેમાં 195 ઉમેદવારોના નામ સામેલ છે. હવે પાર્ટીએ બીજી યાદી જાહેર કરી છે.

 નીતિન ગડકરી, મનોહરલાલ ખટ્ટર લડશે ચૂંટણી

ભારતીય જનતા પાર્ટીએ લોકસભા 2024 માટે પોતાના ઉમેદવારોની બીજી યાદી જાહેર કરી છે. આ યાદીમાં ભાજપે કુલ 72 ઉમેદવારોની જાહેરાત કરી છે. નોંધનીય છે કે પ્રથમ યાદીમાં ભાજપે 195 ઉમેદવારો જાહેર કર્યાં હતા. ભાજપે બીજી યાદીમાં દિલ્હી, ગુજરાત, હરિયાણા, હિમાચલ પ્રદેશ, કર્ણાટક, મધ્યપ્રદેશ, મહારાષ્ટ્ર, તેલંગણા, ત્રિપુરા, ઉત્તરાખંડના ઉમેદવારો જાહેર કર્યાં છે. આ યાદીમાં ઘણા મોટા નામ સામેલ છે. આમાં નીતિન ગડકરીને નાગપુરથી, હરિયાણાના પૂર્વ સીએમ મનોહર લાલ ખટ્ટરને કરનાલથી ટિકિટ આપવામાં આવી છે.

ભાજપે લોકસભા ચૂંટણી માટે બીજી યાદીમાં 72 ઉમેદવારોના નામ છે. હરિયાણાના પૂર્વ મુખ્યમંત્રી મનોહર લાલ ખટ્ટરને કરનાલથી ટિકિટ મળી છે. કેન્દ્રીય મંત્રી નીતિન ગડકરી નાગપુરથી ચૂંટણી લડશે. અનુરાગ ઠાકુરને હમીરપુરથી મેદાનમાં ઉતારવામાં આવ્યા છે. રાવ ઈન્દ્રજીત સિંહ ગુરુગ્રામથી અને કંવરપાલ ગુર્જર ફરીદાબાદથી ચૂંટણી લડશે. અહીંથી કેન્દ્રીય મંત્રી કૃષ્ણપાલ ગુર્જરની ટિકિટ કાપવામાં આવી છે. કેન્દ્રીય મંત્રી પીયૂષ ગોયલને ઉત્તર મુંબઈથી મેદાનમાં ઉતારવામાં આવ્યા છે. હર્ષ મલ્હોત્રા પૂર્વ દિલ્હીથી ચૂંટણી લડશે.

ભાજપની બીજી યાદીમાં 11 રાજ્યોમાંથી કુલ 72 ઉમેદવારો

દિલ્હીમાંથી 2 ઉમેદવાર

ગુજરાતમાંથી 7 ઉમેદવાર

મહારાષ્ટ્રમાંથી 20 ઉમેદવાર

હરિયાણામાંથી 6 ઉમેદવાર

હિમાચલ પ્રદેશમાંથી 2 ઉમેદવાર

કર્ણાટકમાંથી 20 ઉમેદવાર

તેલંગાણામાંથી 6 ઉમેદવાર