- પીએમ મોદી અને સીએમ યોગીને જાનથી મારવાની ધમકી
- અંડરવર્લ્ડ ડોન દાઉદ ઈબ્રાહિમના નામે અપાઈ ધમકી
- મુંબઈ પોલીસે આરોપીની ચુનભટ્ટી વિસ્તારમાંથી ધરપક કરી
પીએમ મોદી અને ઉત્તર પ્રદેશના સીએમ યોગી આદિત્યનાથને જાનથી મારવાની ધમકી આપવામાં આવી છે. અંડરવર્લ્ડ ડોન દાઉદ ઈબ્રાહિમની ગેંગનો સભ્ય હોવાનો દાવો કરનાર એક વ્યક્તિની ધમકીભર્યા કોલ કરવા બદલ ધરપકડ કરવામાં આવી છે.
અંડરવર્લ્ડ ડોન દાઉદ ઈબ્રાહિમ સાથે સંબંધ હોવાનો દાવો કરનાર એક વ્યક્તિની ધરપકડ કરવામાં આવી છે. આ વ્યક્તિએ મુંબઈ પોલીસ કંટ્રોલ રૂમમાં ધમકીભર્યો કોલ કર્યો હતો, જેના પછી પોલીસે આરોપીને ટ્રેસ કરીને તેની ધરપકડ કરી હતી. ધરપકડ કરાયેલા શખ્સે દાવો કર્યો હતો કે દાઉદ ગેંગે તેને વડાપ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથની હત્યાનું કાવતરું ઘડવાની સૂચના આપી હતી.
અંડરવર્લ્ડ ડોન દાઉદ ઈબ્રાહિમના નામે ધમકી
અંડરવર્લ્ડ ડોન દાઉદ ઈબ્રાહિમના નામે ધમકી આપવા બદલ એક વ્યક્તિની ધરપકડ કરવામાં આવી છે. આ વ્યક્તિની ઓળખ કામરાન ખાન તરીકે થઈ છે. સૂત્રોએ જણાવ્યું હતું કે ખાને ગઈકાલે સાંજે મુંબઈ પોલીસ કંટ્રોલ નંબર પર ફોન કર્યો હતો અને દાવો કર્યો હતો કે દાઉદ ઈબ્રાહિમના ગુનેગાર દ્વારા તેમને ભારતના વડા પ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથ પર
બોમ્બ વિસ્ફોટ કરવા માટે કહેવામાં આવ્યું હતું.
જેજે હોસ્પિટલને પણ બોમ્બથી ઉડાવી દેવાની ધમકી આપી હતી
ફોન કરનારે એમ પણ કહ્યું હતું કે જો તેને તબીબી સારવાર નહીં આપવામાં આવે તો તે જેજે હોસ્પિટલમાં પણ બોમ્બ લગાવી દેશે. આ પછી પોલીસ એલર્ટ મોડમાં આવી અને ફોન કરનારને ટ્રેસ કર્યો. પોલીસે ફોન કરનારની મુંબઈના ચુનભટ્ટી વિસ્તારમાંથી અટકાયત કરી હતી. મુંબઈની આઝાદ મેદાન પોલીસે આઈપીસીની કલમ 505(2) હેઠળ યુવક વિરુદ્ધ કેસ નોંધ્યો છે અને વધુ તપાસ ચાલી રહી છે.
શું કહ્યું મુંબઈ પોલીસે?
પોલીસ દ્વારા નિવેદન જારી કરવામાં આવ્યું છે. તેમાં કહેવામાં આવ્યું છે કે, 'દાઉદ ઈબ્રાહિમ ગેંગના નામે મુંબઈ પોલીસ કંટ્રોલ રૂમને ધમકીભર્યો કોલ કરવા બદલ એક વ્યક્તિની ધરપકડ કરવામાં આવી છે. આ વ્યક્તિનો દાવો છે કે દાઉદ ગેંગે તેને પીએમ મોદી અને યુપીના સીએમ યોગી આદિત્યનાથને મારવાનું કહ્યું છે. ફોન કરનાર વ્યક્તિએ જેજે હોસ્પિટલને ઉડાવી દેવાની ધમકી પણ આપી છે. આઈપીસીની કલમ 505 (2) હેઠળ કેસ નોંધવામાં આવ્યો છે.
તાજેતરમાં જ પોલીસે ડોન છોટા શકીલના નજીકના મિત્ર વિરુદ્ધ FIR નોંધી હતી
હાલમાં જ સમાચાર સામે આવ્યા છે કે મુંબઈ પોલીસે અંડરવર્લ્ડ ડોન છોટા શકીલના નજીકના ગુનેગાર રિયાઝ ભાટી સામે જાનથી મારી નાખવાની ધમકી આપવા બદલ FIR નોંધી છે. આ મામલામાં ફરિયાદીએ પોલીસને પોતાના નિવેદનમાં જણાવ્યું કે રિયાઝ ભાટી વિરુદ્ધ વર્ષ 2021માં મુંબઈના વર્સોવા પોલીસ સ્ટેશનમાં ખંડણીની એફઆઈઆર નોંધવામાં આવી હતી. તે કેસમાં ફરિયાદી (નવા કેસમાં) સાક્ષી છે.
ફરિયાદીએ વધુમાં આક્ષેપ કર્યો હતો કે રિયાઝ ભાટી અને તેના નજીકના સાથીઓએ તેને જૂન 2022 થી 4 નવેમ્બર, 2023 દરમિયાન ધમકી આપી હતી અને કહ્યું હતું કે કોર્ટમાં જુબાની આપવા માટે ન જાવ અને જો તે જાય તો તેણે રિયાઝ ભાટીની તરફેણમાં જુબાની આપવી જોઈએ. જો તેમ નહીં કરે તો જાનથી મારી નાખવાની ધમકી પણ આપી હતી.
આ મામલામાં એક અધિકારીએ કહ્યું કે આ મામલો અંડરવર્લ્ડ સાથે સંબંધિત છે. આ કારણે આ કેસની તપાસ ક્રાઈમ બ્રાન્ચને સોંપવામાં આવી છે. સૂત્રોએ એમ પણ જણાવ્યું કે રિયાઝ ભાટી હાલ જેલમાં છે અને તેણે જેલમાં બેસીને ફરિયાદીને ધમકી આપી હતી. તમને જણાવી દઈએ કે રિયાઝ ભાટીનું નામ અંડરવર્લ્ડ ડોન દાઉદ ઈબ્રાહિમ સાથે જોડાયા બાદ સામે આવ્યું છે. મળતી માહિતી મુજબ ભાટી છોટા રાજન ગેંગમાં હતો. પરંતુ તેની સાથે રહીને તેણે છોટા શકીલ માટે કામ કરવાનું શરૂ કર્યું. જો કે ભાટીએ દાઉદનો સહયોગી હોવાનો ઈન્કાર કર્યો છે.
