- પશ્ચિમ બંગાળમાં TMCએ 2 ઉમેદવારોને ઉતાર્યા મેદાનમાં
- TMCએ ભગવાનગોલાથી રેયાત હુસૈનનું નામ જાહેર
- બારાનગરથી અભિનેત્રી સાયંતિકા બેનર્જીનું નામ જાહેર
તૃણમૂલ કોંગ્રેસે પશ્ચિમ બંગાળની 2 વિધાનસભા બેઠકો પર યોજાનારી પેટાચૂંટણી માટે તેના ઉમેદવારોની જાહેરાત કરી છે. TMCએ ભગવાનગોલાથી રેયાત હુસૈન મેદાનમાં ઉતાર્યા છે. તેવામાં હવે બારાનગરથી અભિનેત્રી સાયંતિકા બેનર્જીનું ઉમેદવારી નામ જાહેર કરવામાં આવ્યું છે.
પશ્ચિમ બંગાળમાં લોકસભા ચૂંટણી 2024 સાથે, બે વિધાનસભા બેઠકો પર પેટાચૂંટણી યોજાશે. TMCએ શુક્રવારે બંને બેઠકો માટે તેના ઉમેદવારોની જાહેરાત કરી હતી. TMCએ ભગવાનગોલાથી રેયાત હુસૈન અને બારાનગરથી અભિનેત્રી સાયંતિકા બેનર્જીને મેદાનમાં ઉતાર્યા છે.
તાજેતરમાં સાયંતિકા બેનર્જીએ જાહેરમાં લોકસભા ચૂંટણીમાં ઉમેદવાર ન બની શકવા બદલ પોતાનો ગુસ્સો વ્યક્ત કર્યો હતો. જોકે, સાયંતિકાએ કહ્યું કે, તે TMC સાથે જ રહેશે. આ પહેલા સાયંતિકા બાંકુરા લોકસભા સીટ પરથી ચૂંટણી હારી ગઈ હતી. છતાં તે વારંવાર જે તે જિલ્લામાં સંગઠનમાં કામ કરતી જોવા મળ્યા હતા. તેણે અનેક કાર્યક્રમોમાં પણ ભાગ લીધો હતો.
કોણ છે સાયંતિકા બેનર્જી?
2021ની પશ્ચિમ બંગાળ વિધાનસભા ચૂંટણી પહેલા સાયંતિકા બેનર્જી ટીએમસીમાં જોડાઈ હતી. તે બંગાળી સિનેમામાં તેના કામ માટે જાણીતી છે. એક્ટિંગની સાથે તેના ડાન્સિંગના પણ ખૂબ વખાણ થાય છે. 2012 માં, તેણે બંગાળી ફિલ્મ આવારામાં કામ કર્યું, જે વ્યવસાયિક રીતે સફળ રહી. સાયંતિકા બેનર્જીએ પોતાના કરિયરની શરૂઆત ડાન્સિંગ રિયાલિટી શો નાચ ડૂમ મચા લેથી કરી હતી. ત્યારબાદ તેણે ટાર્ગેટ, હેંગઓવર જેવી ઘણી ફિલ્મોમાં કામ કર્યું.
ભગવાનગોલા અને બારાનગરમાં પેટાચૂંટણી ક્યારે યોજાશે
ભગવાનગોલા વિધાનસભા બેઠક પર 7 મેના રોજ પેટાચૂંટણી યોજાશે, જ્યારે બારાનગરમાં પેટાચૂંટણી માટે 1 જૂને મતદાન થશે.
ભગવાનગોલા અને બારાનગરમાં પેટાચૂંટણી શા માટે યોજાઈ રહી છે
બારાનગર વિધાનસભા બેઠક પરથી વિદાય લેતા ધારાસભ્ય તાપસ રોયે પોતાના પદ અને ટીએમસીમાંથી રાજીનામું આપી દીધું હતું અને ભાજપમાં જોડાયા હતા, જેના કારણે આ બેઠક પર પેટાચૂંટણી યોજાઈ રહી છે. ભાજપે તાપસ રોયને કોલકાતા નોર્થથી લોકસભા ચૂંટણીમાં પોતાના ઉમેદવાર બનાવ્યા છે. તે જ સમયે, ભગવાનગોલા સીટ તાજેતરમાં TMC ધારાસભ્ય ઇદ્રિસ અલીના નિધનને કારણે ખાલી થઈ હતી. તેથી જ ત્યાં પેટાચૂંટણી યોજાઈ રહી છે.
