Viral Video: આન્ટી પર ટાંકી પડી પણ ખાવાનું ન છૂટ્યુ..જુઓ મજેદાર Video

આપણે સોશિયલ મીડિયા પર રોજના અઢળક વીડિયો જોતા હોઇએ છીએ. અમુક એવા વીડિયો હોય છે જે પળવારમાં જ વાયરલ થઇ જાય છે. ત્યારે અત્યારે પણ એવો જ એક વીડિયો વાયરલ થયો છે. જેના વિશે આજે આપણે વાત કરવાના છીએ તે વીડિયો પણ તમે જોયો જ હશે. કારણ કે આ વીડિયો એટલો શોકિંગ છે કે જોઇને ભલભલા નવાઇ પામે. હાલ આ વીડિયો સોશિયલ મીડિયામાં ધૂમ મચાવી રહ્યો છે.

વાયરલ વીડિયોમાં શું જોવા મળ્યું?

હાલમાં સોશિયલ મીડિયા પર વાયરલ થઈ રહેલા વીડિયોમાં જોવા મળી રહ્યું છે કે એક મહિલા ઘરની બહાર આવે છે અને શેરીમાં ચાલવા લાગે છે. આ દરમિયાન મહિલા કંઈક ખાતી જોવા મળે છે. મહિલા થોડે દૂર જાય કે તરત જ ઉપરથી એક મોટી પાણીની ટાંકી મહિલાના માથા પર પડે છે અને બીજી જ ક્ષણે મહિલા ટાંકીની અંદર હોય છે. આ પછી કેટલાક લોકો ત્યાં દોડી આવે છે. મહિલા પણ બહાર આવે છે અને જ્યાંથી ટાંકી પડી હતી તે દિશામાં આશ્ચર્યથી જુએ છે. જો કે આ દરમિયાન યુઝર્સે એવું પણ નોટિસ કર્યુ કે આટલી મોટી ટાંકી પડી માથે પણ મહિલાએ ખાવાનું બાજુ પર ન મૂક્યું.

યુઝર્સ કરી રહ્યા છે અનોખી કમેન્ટ 

આ વીડિયોને @hemantbatra0 નામના એકાઉન્ટ દ્વારા માઇક્રો બ્લોગિંગ પ્લેટફોર્મ X પર પોસ્ટ કરવામાં આવ્યો છે. વીડિયો પોસ્ટ કરતી વખતે કેપ્શનમાં લખ્યું છે કે, 'દિવસમાં એક સફરજન તમને ડૉક્ટરથી દૂર રાખે છે.' સમાચાર લખાય છે ત્યાં સુધી આ વીડિયોને 2.1 મિલિયન લોકો જોઈ ચૂક્યા છે. વીડિયો જોયા બાદ એક યુઝરે લખ્યું - તે સફરજન ચાવી રહી છે જાણે કંઈ થયું જ ન હોય. જ્યારે અન્ય એક યુઝરે લખ્યું- તે હજુ પણ ચાવી રહી છે. ત્રીજા યુઝરે લખ્યું- પેકિંગ થઈ ગયું. ચોથા યુઝરે લખ્યું - ગમે તે થાય, ખાવાનું બંધ ન થવુ જોઈએ.