Weather Forecast: દિલ્હી-NCRમાં બદલાયુ હવામાન, દેશના અનેક રાજ્યોમાં ઠંડીની દસ્તક

દિલ્હી-NCRનું હવામાન બદલાઈ રહ્યું છે. તાપમાનમાં નજીવા ઘટાડા સાથે સવાર અને સાંજના સમયે ઠંડીએ દસ્તક આપી છે, પરંતુ આકરા સૂર્યપ્રકાશને કારણે દિવસ દરમિયાન ગરમીનો અહેસાસ થઈ રહ્યો છે. હવામાન વિભાગના જણાવ્યા અનુસાર રવિવાર અને સોમવારે મહત્તમ તાપમાન 33 ડિગ્રી અને લઘુત્તમ તાપમાન 17થી 18 ડિગ્રીની આસપાસ રહેશે. દેશના ઘણા ભાગોમાં ભારે વરસાદની પણ સંભાવના છે. આમ હાલમાં સમગ્ર દેશમાં બેવડી ઋતુ અનુભવાઇ રહી છે.

દિલ્હીમાં ગરમી ક્યારે ઘટશે?

નવેમ્બર મહિનો શરૂ થઈ ગયો છે, પરંતુ હવામાનમાં કોઈ ફેરફાર જોવા મળ્યો નથી. આગામી દિવસોમાં દિલ્હીનું તાપમાન ઘટશે. હવામાન વિભાગના જણાવ્યા અનુસાર 5 થી 7 નવેમ્બર દરમિયાન મહત્તમ તાપમાન 32 થી 33 ડિગ્રી અને લઘુત્તમ તાપમાન 16 ડિગ્રી સેલ્સિયસ રહેવાની શક્યતા છે. આ સમયગાળા દરમિયાન સવારે ધુમ્મસ રહેશે. દિલ્હીમાં 7 નવેમ્બર સુધી વરસાદની કોઈ શક્યતા નથી.

કયા વિસ્તારોમાં ઠંડીનો ચમકારો?

દેશમાં કેટલાક રાજ્યો એવા છે જ્યાં શિયાળાનું આગમન થઈ ચૂક્યું છે. જેમાં ઉત્તર પ્રદેશ, હરિયાણા, રાજસ્થાન, મધ્યપ્રદેશ, પંજાબના નામ સામેલ છે જ્યાં સવાર-સાંજ હળવી ઠંડીનો અનુભવ થઈ રહ્યો છે. આ સપ્તાહે પહાડી રાજ્યોમાં હવામાન બદલાઈ શકે છે. હવામાન વિભાગનું કહેવું છે કે ગયા વર્ષની સરખામણીમાં આ વર્ષે નવેમ્બરમાં વધુ ઠંડી નહીં પડે. ઉત્તરાખંડ અને હિમાચલ પ્રદેશ જેવા રાજ્યોમાં આ અઠવાડિયે ઠંડીમાં વધારો થવાની સંભાવના છે.

તાપમાન કેવુ રહેશે?

દિલ્હીમાં લઘુત્તમ તાપમાન 17 અને મહત્તમ તાપમાન 33 છે

નોઈડામાં લઘુત્તમ તાપમાન 20 અને મહત્તમ તાપમાન 32 છે

ગાઝિયાબાદમાં લઘુત્તમ તાપમાન 21 અને મહત્તમ તાપમાન 32 છે

પટનામાં લઘુત્તમ તાપમાન 22 અને મહત્તમ તાપમાન 33 છે

લખનૌમાં લઘુત્તમ તાપમાન 18 અને મહત્તમ તાપમાન 32 છે

જયપુરમાં લઘુત્તમ તાપમાન 19 અને મહત્તમ તાપમાન 35 છે

ભારે વરસાદ ક્યાં છે?

હવામાન વિભાગે આગામી દિવસોમાં તમિલનાડુના 19 જિલ્લામાં વરસાદની આગાહી કરી છે. તમિલનાડુના આ જિલ્લાઓ માટે યલો એલર્ટ જારી કરવામાં આવ્યું છે. હવામાન વિભાગે માહિતી આપી હતી કે દરિયામાં ચક્રવાતી સિસ્ટમ અને ફરતા પવનોને કારણે ભારે વરસાદ થશે. ઘણા રાજ્યોમાં હળવો વરસાદ થશે, જ્યારે અન્ય ઘણા રાજ્યોમાં તે સામાન્ય રહેશે. વરસાદની આ શ્રેણી 8 થી 14 નવેમ્બર સુધી ચાલુ રહેશે.