નાણામંત્રી નિર્મલા સીતારમણ આજે લોકસભામાં નવું આવકવેરા બિલ 2025 રજૂ કરી શકે છે. આ પહેલા સરકારે બુધવારે આવકવેરા બિલનો ડ્રાફ્ટ બહાર પાડ્યો હતો. આ બિલનો હેતુ આવકવેરા કાયદાની ભાષામાં ઘણા ફેરફારો કરીને તેને સરળ બનાવવાનો છે. સૌથી મોટો ફેરફાર એ છે કે કર ગણતરી માટે 'નાણાકીય વર્ષ' અથવા 'આકારણી વર્ષ' ને બદલે 'કર વર્ષ' શબ્દનો ઉપયોગ કરવામાં આવશે.
આજે બિલ થઇ શકે રજૂ
આ બિલમાં એ પણ જણાવવામાં આવ્યું છે કે કર ગણતરી સમયે કયા પ્રકારની આવકને કુલ આવકનો ભાગ ગણવામાં આવશે નહીં. આ માટે અનેક પ્રકારના નિયમો બનાવવામાં આવ્યા છે.
કઈ આવક કુલ આવકનો ભાગ નહીં હોય?
કઇ આવક કુલ આવકનો ભાગ નહી ગણાય ?
- નવા આવકવેરા બિલના પ્રકરણ 3 માં સમજાવવામાં આવ્યું છે કે કઈ આવક તમારી કુલ આવકનો ભાગ રહેશે નહીં.
- બિલની અનુસૂચિની કલમ 2, 3, 4, 5, 6 અને 7 માં ઉલ્લેખિત શ્રેણીઓ હેઠળ આવતી આવકને કરની ગણતરીના હેતુ માટે કુલ આવકનો ભાગ ગણવામાં આવશે નહીં. તેના બદલે, શેડ્યૂલમાં ઉલ્લેખિત નિયમો અનુસાર તેની ગણતરી અલગ રીતે કરવામાં આવશે. આમાં ખેતીમાંથી થતી આવક, વીમામાંથી આવતા પૈસા અને પીએફમાંથી થતી આવક વગેરેનો સમાવેશ થાય છે.
- જોકે, બિલમાં જણાવાયું છે કે જો શેડ્યૂલમાં ઉલ્લેખિત શ્રેણીઓ માટે નિર્ધારિત શરતો કોઈપણ કર વર્ષમાં પૂર્ણ ન થાય, તો તેમના પરના કરની ગણતરી તે વર્ષના કર નિયમો અનુસાર કરવામાં આવશે.
- કેન્દ્ર સરકાર બિલની અનુસૂચિ 2, 3, 4, 5, 6 અને 7 માટે નિયમો બનાવી શકે છે. તેમના માટે નવી સૂચના જાહેર કરી શકે છે.
- રાજકીય પક્ષો અને ચૂંટણી ટ્રસ્ટોની આવક કુલ આવકમાં સામેલ કરવામાં આવશે નહીં. કોઈપણ રાજકીય પક્ષ અથવા ચૂંટણી ટ્રસ્ટની કુલ આવકની ગણતરી કરતી વખતે, બિલની અનુસૂચિ-8 ના નિયમો લાગુ પડશે.
- અનુસૂચિ-8 જણાવે છે કે રાજકીય પક્ષોએ તેમની મિલકતોમાંથી થતી આવક, મૂડી લાભ વગેરેના હિસાબ રાખવા પડશે. જો તે 20,000 રૂપિયાથી વધુ મૂલ્યના ચૂંટણી બોન્ડ લે છે, તો તેનો રેકોર્ડ જાળવવો પડશે. તે 2,000 રૂપિયાથી વધુનું દાન સ્વીકારી શકશે નહીં, અને જો તે આમ કરે છે, તો તેણે તેનો રેકોર્ડ રાખવો પડશે.
