કાર ખરીદતી વખતે હવે ગ્રાહકોએ માત્ર ફીચર્સ અને માઈલેજ પર જ ધ્યાન આપવાનું શરૂ કરી દીધું છે પરંતુ કારનું સેફ્ટી રેટિંગ શું છે? જ્યાં પહેલા ફોકસ માઈલેજ પર હતું, હવે સેફ્ટી પર ફોકસ છે. ગ્લોબલ NCAP અને Bharat NCAP કારની મજબૂતાઈ ચકાસવા માટે ક્રેશ ટેસ્ટ કરાવે છે, પરંતુ શું તમે જાણો છો કે ક્રેશ ટેસ્ટ દરમિયાન કાર કઈ ઝડપે ચલાવવામાં આવે છે?
ક્રેશ ટેસ્ટમાં વાહનોને અલગ-અલગ સ્પીડ પર ચલાવીને ટેસ્ટ કરવામાં આવે છે, સ્પીડ ટેસ્ટના પ્રકાર પર આધાર રાખે છે. ક્રેશ ટેસ્ટિંગ દરમિયાન કારમાં બેસવા માટે એક ડમી બનાવવામાં આવે છે અને તે નક્કી કરવામાં આવે છે કે અકસ્માત દરમિયાન મુસાફરોને કેટલી ઈજા થઈ શકે છે.
ભારત NCAP ક્રેશ ટેસ્ટ સ્પીડ
ફ્રન્ટ ઓફસેટ ઈમ્પેક્ટ ટેસ્ટ
ભારત NCAPની ઓફિશિયલ સાઈટ મુજબ આ ટેસ્ટમાં કારને 64km/hની ઝડપે ચલાવવામાં આવે છે. અકસ્માતમાં કાર ડ્રાઈવર અને આગળના મુસાફરોને કેટલી સારી રીતે સુરક્ષિત કરે છે તે ચકાસવા માટે આ ટેસ્ટ કરવામાં આવે છે.
સાઈડ ઈમ્પેક્ટ ટેસ્ટ
ભારત NCAPની ઓફિશયલ સાઈટ મુજબ આ ટેસ્ટમાં કારને 50km/hની ઝડપે ચલાવવામાં આવે છે. આ ટેસ્ટ એ ચકાસવા માટે કરવામાં આવે છે કે કાર અકસ્માતમાં સાઈડ ઈફેક્ટથી મુસાફરોને કેટલી સારી રીતે બચાવે છે.
પોલ સાઈડ ઈમ્પેક્ટ ટેસ્ટ
આ ટેસ્ટમાં કાર 29 કિલોમીટર પ્રતિ કલાકની ઝડપે પોલ સાથે અથડાય છે. આ ટેસ્ટ એ તપાસવા માટે કરવામાં આવે છે કે જો કાર અકસ્માતમાં પોલ સાથે અથડાય તો તે મુસાફરોને કેટલી સારી રીતે સુરક્ષિત કરે છે. તમને જણાવી દઈએ કે ગ્લોબલ NCAPની ક્રેશ ટેસ્ટ સ્પીડ ભારત NCAP કરતા થોડી અલગ છે.
