એવું માનવામાં આવે છે કે જંગલો વિના પૃથ્વી પર જીવન શક્ય નથી. જંગલો વિના જીવનની કલ્પના કરવી મુશ્કેલ છે, પરંતુ શું તમે જાણો છો કે દુનિયામાં એક એવો દેશ છે જ્યાં તમને જંગલોની હરિયાળી જોવા નહીં મળે. તે મધ્ય પૂર્વમાં સ્થિત એક નાનો દેશ છે, જે તેના વિશાળ તેલ અને કુદરતી ગેસના ભંડાર માટે જાણીતો છે. તમે કતાર વિશે સાંભળ્યું જ હશે. આ દેશમાં દૂર દૂર સુધી હરિયાળી જોવા મળતી નથી તેમ છતાં ત્યાંના લોકો વૈભવી જીવન જીવે છે.
કતારની ભૌગોલિક સ્થિતિ એવી છે કે વનસ્પતિ ઉગી શકતી નથી. કતાર એક નાનો પરંતુ ખૂબ જ સમૃદ્ધ દેશ છે, જેની અર્થવ્યવસ્થા મુખ્યત્વે તેલ અને ગેસ ઉદ્યોગ પર આધારિત છે. કતારનું હવામાન શુષ્ક છે અને ત્યાં બહુ ઓછો વરસાદ પડે છે. આવી સ્થિતિમાં આ દેશમાં તાપમાન હંમેશા ઉંચુ રહે છે, જેના કારણે વૃક્ષો અને છોડનું જીવવું લગભગ અશક્ય છે. જો કે આ દેશનો મોટાભાગનો ભાગ રણ છે. રણમાં અમુક પ્રકારના છોડ જ ઉગી શકે છે. કહેવાય છે કે તેલ અને ગેસના ઉત્પાદન માટે મોટા પાયે જમીનના ઉપયોગને કારણે જંગલોનો નાશ થયો.
