પાસપોર્ટ રદ્દ થાય તો શું થશે? તો તમે બીજા દેશમાં રહી શકશો?

• બીજા દેશમાં જવા માટે પાસપોર્ટ હોવો સૌથી જરૂરી છે
  
• જો તમારો દેશ તમારો પાસપોર્ટ રદ્દ કરે અને તમે વિદેશમાં હોવ તો શું થશે?
• જાણો અન્ય દેશમાં હોવ અને પાસપોર્ટ કેન્સલ થાય તો શું છે નિયમો

ભારત સહિત દુનિયાભરના દેશોમાં દરેક વ્યક્તિ પાસે બીજા દેશમાં જવા માટે પાસપોર્ટ હોવો જરૂરી છે. પાસપોર્ટ વિના કોઈ પણ વ્યક્તિ બીજા દેશમાં જઈ શકે નહીં. પરંતુ હવે સવાલ એ છે કે જો કોઈ વ્યક્તિ બીજા દેશમાં હોય અને કોઈ કારણસર સરકાર તેનો પાસપોર્ટ રદ્દ કરે તો આવી સ્થિતિમાં શું થશે. તમને જણાવીશું કે તમારો પાસપોર્ટ કેન્સલ થવા પર શું થાય છે.

પાસપોર્ટ

જો કોઈ પણ વ્યક્તિ પોતાના દેશ સિવાય અન્ય દેશમાં જવા માંગે છે તો તેના માટે પાસપોર્ટ હોવો સૌથી જરૂરી છે. પરંતુ જો તમે વિદેશમાં હોવ ત્યારે તમારો દેશ તમારો પાસપોર્ટ રદ્દ કરે તો શું થશે? શું તે દેશ તમને તમારા દેશમાં પાછા મોકલશે અથવા તમને જેલમાં ધકેલી દેશે? જાણો શું કહે છે નિયમો.

પાસપોર્ટ રદ્દ

તમને જણાવી દઈએ કે જો કોઈ વ્યક્તિનો પાસપોર્ટ કેન્સલ થાય છે, તો તે જાણવું પણ જરૂરી છે કે પાસપોર્ટની કેટેગરી કઈ છે. બાંગ્લાદેશના પૂર્વ વડાપ્રધાન શેખ હસીનાનો રાજદ્વારી પાસપોર્ટ રદ્દ થયા બાદ રાજદ્વારી પાસપોર્ટ તેમને 45 દિવસ સુધી વિઝા વિના ભારતમાં રહેવાનો અધિકાર આપે છે. પરંતુ આ નિયમો તમામ પાસપોર્ટ પર લાગુ પડતા નથી.

નિયમો મુજબ પાસપોર્ટ રદ્દ થવા પર, વ્યક્તિ સીધા જ વિદેશમાં મુસાફરી કરવાનો અધિકાર ગુમાવે છે. માહિતી મુજબ જો કોઈ વ્યક્તિ વિદેશમાં હોય અને તેનો પાસપોર્ટ કેન્સલ થઈ જાય તો તે વ્યક્તિને તેના દેશમાં પરત મોકલી શકાય છે. પરંતુ ક્યારેક તે વ્યક્તિનો પાસપોર્ટ રદ્દ કરવાના કારણ પર પણ આધાર રાખે છે. આવા કિસ્સાઓમાં ઘણા દેશો અન્ય દેશો અને આંતરરાષ્ટ્રીય એજન્સીઓને માહિતીની જાણ કરે છે. આ રીતે, ભવિષ્યમાં પ્રતિબંધો વધુ વધી શકે છે.

પાસપોર્ટ ક્યારે રદ્દ થાય છે

કોઈપણ દેશ દ્વારા પાસપોર્ટ રદ્દ કરવા પાછળ ઘણા કારણો હોઈ શકે છે. આમાં ખોટો પાસપોર્ટ બનાવવો કે ખોટી માહિતી આપવી, વ્યક્તિ વિરૂદ્ધ કોઈપણ ફોજદારી કેસ પેન્ડિંગ છે કે દેશની સુરક્ષા સાથે રમત કરવી જેવા આરોપો પણ સામેલ છે. માહિતી મુજબ પાસપોર્ટ રદ્દ થયા પછી અન્ય દેશ શું કરશે, તે પાસપોર્ટ કયા કારણોસર રદ્દ કરવામાં આવ્યો છે તેના પર નિર્ભર છે. પરંતુ નિયમો મુજબ પાસપોર્ટ રદ્દ થયા પછી, તે વ્યક્તિની વિદેશ યાત્રા પર પ્રતિબંધ મૂકવામાં આવે છે અને તે વ્યક્તિને કોઈપણ દેશના વિઝા આપવામાં આવતા નથી.