Diwaliમાં ફટાકડાની જેમ ફૂટી ના જાય ફોન! આ વાતનું રાખો ધ્યાન!

લગભગ દરેક વ્યક્તિના હાથમાં મોબાઈલ ફોન જોવાનું સામાન્ય થઈ ગયું છે, પછી તે બાળકો હોય, વૃદ્ધો હોય કે યુવાનો હોય. તમને દરેક પાસે ફોન દેખાશે. ફોન ગમે તે હોય, તેના વિસ્ફોટનું જોખમ હંમેશા રહે છે. ફોનનો વિસ્ફોટ તમે ફોનનો ઉપયોગ કેવી રીતે કરો છો તેના પર પણ આધાર રાખે છે. અહીં જાણો તમારી કઈ ભૂલોને કારણે તમારો ફોન ફાટી શકે છે.

મોબાઈલ ચાર્જિંગ પર ધ્યાન આપો

મોબાઈલને ચાર્જ કરવા માટે હંમેશા પ્રમાણિત ચાર્જરનો ઉપયોગ કરો, વાસ્તવમાં જો તમે કોઈપણ બિન-પ્રમાણિત ચાર્જરનો ઉપયોગ કરો છો તો તે વિસ્ફોટનું જોખમ ઊભું કરી શકે છે. કારણ કે તમારો ફોન ચાર્જ કરવા માટે કંપની દ્વારા બનાવેલ ચાર્જર જ ફોનને ચાર્જ કરી શકે છે. ફોનને વધુ ચાર્જ કે વધુ ગરમ થવા ન દો. ચાર્જ કરતી વખતે ફોનનો ઉપયોગ કરશો નહીં કારણ કે તે ફોનને ગરમ કરી શકે છે અને વિસ્ફોટના જોખમને આમંત્રણ આપી શકે છે. આ સિવાય ફોનને ચાર્જ કરતી વખતે ગેમ રમવાનું પણ ટાળવું જોઈએ, તેનાથી ફોનની બેટરી હેલ્થ પર અસર થઈ શકે છે.

ઉચ્ચ તાપમાન બની જાય છે જોખમ

ઉચ્ચ તાપમાન તમારા ફોન માટે જોખમ ઊભું કરી શકે છે, જેમ કે તમે ઉનાળામાં ફોન બ્લાસ્ટના વધુ કિસ્સાઓ સાંભળ્યા હશે. ભારે ગરમી (હીટ વેવ) દરમિયાન તેને કારમાં ન છોડો. જો તમારા ફોનની બેટરીને નુકશાન થાય છે, તો તે વિસ્ફોટ અથવા આગનું જોખમ ઉભી કરી શકે છે.

ફોનનું પાછળનું જાડું કવર અથવા તેમાં નોટ્સ રાખવી

ફોનમાં વિસ્ફોટ થવાના ઘણા કારણો હોઈ શકે છે, પરંતુ આમાંનું એક કારણ એ છે કે લોકો ફોનના પાછળના કવરમાં નોટ્સ અથવા કાગળો રાખે છે. કેટલાક લોકોના ફોનનું કવર જ જાડું હોય છે. આ કારણે ફોનમાંથી હવા પસાર થતી નથી જેના કારણે ફોન ઝડપથી ગરમ થવા લાગે છે. ઘણી વખત ફોનના કવરમાં કાગળ કે નોટના કારણે વાયરલેસ ચાર્જિંગમાં સમસ્યા થાય છે.