દર વર્ષે જન્માષ્ટમીનો તહેવાર ઉજવવામાં આવે છે. હિન્દુ ધર્મમાં આ પર્વનું ખાસ મહત્વ છે. આ વખતે શ્રી કૃષ્ણ જન્માષ્ટમીનો તહેવાર 16 ઓગસ્ટ એટલે કે કાલે ધામધૂમથી ઉજવવામાં આવશે. આ સમય દરમિયાન ભગવાન શ્રી કૃષ્ણ ના બાળ સ્વરરૂપની પૂજા કરવામાં આવે છે કારણ કે એવું માનવામાં આવે છે કે, આજ દિવસે શ્રી કૃષ્ણનો જન્મ થયો હતો. પરંતુ શ્રી કૃષ્ણ જન્માષ્ટમી ફક્ત ભારતમાં જ નહીં પરંતુ પાકિસ્તાનમાં પણ ઉજવવામાં આવે છે. જાણો કે સરહદ પાર જન્માષ્ટમી કેવી રીતે ઉજવવામાં આવે છે.

પાડોશી દેશ પાકિસ્તાનમાં રહેતા હિન્દુઓ શ્રી કૃષ્ણ જન્માષ્ટમી ખૂબ જ ધામધૂમથી ઉજવે છે. આપણા દેશની જેમ, પાડોશી દેશમાં પણ લોકો રાત્રે ભગવાન કૃષ્ણના મંદિરમાં જાય છે અને તેમની પૂજા કરે છે.

અહીંની 52 ટકાથી વધુ વસ્તી હિન્દુ છે

પાકિસ્તાનમાં, હિન્દુ મંદિરો પર વારંવાર હુમલા થાય છે અને મંદિરોની સંખ્યા ઘટી રહી છે. પાકિસ્તાનમાં પણ ઘણા શ્રી કૃષ્ણ મંદિરો છે, જ્યાં જન્માષ્ટમી ઉજવવામાં આવે છે. દર વર્ષે પાકિસ્તાનના અમરકોટમાં જન્માષ્ટમી ઉજવણીની તસવીરો બહાર આવે છે. અહીંની 52 ટકાથી વધુ વસ્તી હિન્દુ છે. અહીં પણ હિન્દુ મંદિરોને ભારતની જેમ શણગારવામાં આવે છે.

નાના બાળકોને પહેરાવે છે શ્રી કૃષ્ણનો પોશાક 

ભારતની જેમ, પાકિસ્તાનમાં પણ લોકો તેમના નાના બાળકોને શ્રી કૃષ્ણનો પોશાક પહેરાવે છે અને ધાર્મિક વિધિઓ સાથે તેમની પૂજા કરે છે. પાકિસ્તાનમાં પણ ઇસ્કોન મંદિરો છે, અને કરાચી, લરકાના, હૈદરાબાદ અને સિંધમાં જન્માષ્ટમી ઉજવવામાં આવે છે.

ભગવાનને 56 ભોગ ચઢાવવાની છે પરંપરા

ઇસ્લામાબાદમાં શ્રી કૃષ્ણ મંદિરના નિર્માણ અંગે વિવાદ થયો છે, પરંતુ હિન્દુ સમુદાયને મંદિર માટે સીમા દિવાલ અને સ્મશાન બનાવવાની મંજૂરી આપવામાં આવી છે. અહીં પણ ભક્તો જન્માષ્ટમીના દિવસે ઉપવાસ રાખે છે અને ભગવાન કૃષ્ણની મૂર્તિઓને શણગારે છે અને રાત્રે વિશેષ પ્રાર્થના અને આરતી કરે છે. અહીં પણ ભગવાનને 56 ભોગ ચઢાવવાની પરંપરા છે.

રાવલપિંડીના કૃષ્ણ મંદિરથી લઈને કરાચીના સ્વામિનારાયણ મંદિર અને લાહોર અને ક્વેટાના ઇસ્કોન મંદિરો સુધી, જન્માષ્ટમી ખૂબ જ ધામધૂમથી ઉજવવામાં આવે છે.