રીલ્સ જોવી ગમે છે, પરંતુ ઘણા લોકો એવા છે જેઓ ફોન, સ્ક્રીન ટાઇમ અને તેના નોટિફિકેશનથી પરેશાન છે. જો તમે તેનાથી બ્રેક લેવા માગતા હો, તો તમારે ભારતની એવી જગ્યાઓ પર જવું જોઈએ જ્યાં નેટવર્ક જ ન હોય. આ એક નવી ટ્રાવેલ થેરાપી છે, જેમાં નો નેટવર્ક અને નો નોટિફિકેશન પર ફોકસ કરવામાં આવે છે. ભારતના આ શાંત ટૂરિસ્ટ સ્પોટ્સની મુલાકાત લો. મોટાભાગના લોકો ફરવા માટે એવી જગ્યાઓ શોધે છે જ્યાં ભીડ ઓછી હોય. પરંતુ આજકાલ મોબાઇલ કનેક્ટિવિટી ઓછી હોય તેવા ટૂરિસ્ટ સ્પોટ્સ પણ શોધવામાં આવી રહ્યા છે.
તીર્થન વેલી, હિમાચલ
શિમલા-મનાલીમાં ભીડ જોવા મળે છે અને તેનાથી દૂર શાંતિમાં સારો સમય પસાર કરવા માંગતા હો, તો તમારે તીર્થન વેલી જવું જોઈએ. અહીંના ગામોમાં ફરવાની મજા જ અલગ છે. અહીંની ઘણી જગ્યાઓ પર મોબાઇલ કનેક્ટિવિટી ઓછી રહે છે. અહીં ફરવા માટે સપ્ટેમ્બરથી નવેમ્બરનો સમય શ્રેષ્ઠ છે અને 3 દિવસની ટ્રિપ માટે આ જગ્યા એકદમ બેસ્ટ છે.
ઝીરો વેલી, અરુણાચલ પ્રદેશ
નોર્થ ઈસ્ટની સૌથી સુંદર જગ્યાઓમાંથી એક ઝીરો વેલી પોતાની નેચરલ બ્યુટી માટે દુનિયાભરમાં જાણીતી છે. અહીં ગયા બાદ મોબાઇલથી અંતર રાખો અને ગામડાઓની લાઇફસ્ટાઇલ જુઓ. ડાંગરના ખેતરોમાં વોક કરવાની મજા જ અલગ છે. આ ઉપરાંત અહીં ટેલી વેલી વાઇલ્ડલાઇફ સેન્ક્ચુરીમાં પણ ફરી શકાય છે. આસપાસના પહાડોનો શાનદાર નજારો દિલને સ્પર્શી જાય છે.
ચોપતા, ઉત્તરાખંડ
દેવભૂમિની આ જગ્યા નેચરલ બ્યુટી ઉપરાંત તુંગનાથ મંદિર અને ચંદ્રશિલા ટ્રેક માટે પણ જાણીતી છે. અહીં તમને મોટા શહેરો જેવો ટ્રાફિક, બજાર, મોલ અને સતત વાગતા ફોનનું વાતાવરણ જોવા મળતું નથી. અહીંના કેટલાક વિસ્તારોમાં મોબાઇલ કનેક્ટિવિટી ખૂબ ઓછી છે, તેથી ડિજિટલ ડિટોક્સ માટે આ જગ્યા બેસ્ટ છે.
સ્પીતી વેલી, હિમાચલ પ્રદેશ
આ એક એવી જગ્યા છે, જે ઊંચાઈ પર આવેલી હોવા છતાં ઠંડા રણ વિસ્તાર તરીકે ઓળખાય છે. આ જગ્યા સુંદર ગામડાઓ, પહાડો, મોનેસ્ટરી અને નેચરલ બ્યુટી માટે જાણીતી છે. ખરેખર પોતાની રોજિંદી દુનિયાથી દૂર થવા માટે આ જગ્યા બેસ્ટ છે. અહીં ફરવા અને રોકાવા માટે સપ્ટેમ્બરથી નવેમ્બરનો સમય શ્રેષ્ઠ છે. જો આવનારા સપ્ટેમ્બર મહિનામાં ટ્રિપનું પ્લાનિંગ કરી રહ્યા છો, તો આ ટૂરિસ્ટ સ્પોટને તમારી ટ્રાવેલ લિસ્ટમાં જરૂર સામેલ કરો.
આ પણ વાંચો-Quitting Sugar : માત્ર 1 મહિનો ખાંડ છોડી જુઓ, ચમત્કારિક ફાયદા જોઈ તમે પોતે ચોંકી જશો!
