દુનિયાભરના ઘણા દેશો એવા છે, જે તેમની નાઇટલાઇફ માટે જાણીતા છે. આપણા પડોશી દેશ નેપાળમાં પણ એવું જ કંઈક જોવા મળે છે. નેપાળ ફક્ત તેના સુંદર પહાડો અને શાંતિના પ્રતિક બુદ્ધની ભૂમિ માટે જ નહીં, પરંતુ તેની નાઇટલાઇફ અને ખુલ્લી સંસ્કૃતિ માટે પણ જાણીતું છે. અહીંની ખાસિયત એ છે કે તમને બિયર લગભગ દરેક દુકાન, પબ, રેસ્ટોરાં અને હોટેલમાં સરળતાથી મળી જાય છે. પછી ભલે તે કાઠમંડુની ભીડભાડવાળી રસ્તાઓ હોય કે પોખરાની સરોવરકિનારાની ગલીઓ બિયર હવે અહીંની સાંજનો મહત્વનો ભાગ બની ગઈ છે. ચાલો, તમને અહીંની નાઇટલાઇફ વિશે જણાવીએ.
આવું હોય છે નાઇટ હબ્સ
પોતાની સુંદરતા માટે જાણીતું નેપાળ આખી દુનિયાને તેના સંસ્કાર અને કલ્ચરથી આકર્ષિત કરે છે. નેપાળની રાજધાની કાઠમંડુની નાઇટલાઇફ દક્ષિણ એશિયાના સૌથી આકર્ષક નાઇટ હબ્સમાં ગણાય છે. અહીં હજારો પબ, બાર, કેફે અને લોન્જ છે, જે મોડી રાત્રિ સુધી ખુલ્લા રહે છે. એ જ કારણ છે કે વિદેશી પ્રવાસીઓ, ટ્રાવેલર્સ અને સ્થાનિક યુવાઓ અહીં લાઇવ મ્યુઝિક, ડાન્સ, ડીજે નાઇટ્સ અને બિયર સાથે સાંજ પસાર કરે છે.
નેપાળમાં દારૂ અંગે કાયદા તો છે, પરંતુ અહીંનું વાતાવરણ ખુલ્લું અને પ્રવાસીઓને લોભાવનારું છે. બિયર વેચવા માટે દુકાનો અને બારને લાયસન્સની જરૂર પડે છે, પરંતુ તેમની સંખ્યા એટલી વધુ છે કે તમને શહેરના લગભગ દરેક ખૂણે બિયર સરળતાથી મળી જશે. કાયદાકીય રીતે દારૂ ખરીદવાની લઘુત્તમ ઉંમર 18 વર્ષ છે, અને મોટાભાગના બાર રાત્રે 12 વાગ્યા સુધી ખુલ્લા રહે છે.
નેપાળની નાઇટલાઇફ
અહીંની નાઇટલાઇફ ફક્ત દારૂ અથવા બિયર સુધી સીમિત નથી. નેપાળની સાંજ સાંસ્કૃતિક રીતે પણ ખૂબ રંગીન છે. અનેક જગ્યાઓએ લોકસંગીત, નેપાળી બેન્ડ્સ અને નૃત્ય કાર્યક્રમો યોજાય છે. જો તમે પાર્ટી કરવાનું પસંદ કરો છો કે પછી આરામથી સમય પસાર કરવા માંગો છો, તો નેપાળની નાઇટલાઇફ તમને કદી નિરાશ નહીં કરે. અહીંની ગલીઓમાં સાંજ પડતા જ રંગીન લાઈટ્સ, સંગીત અને લોકોની ચહલપહલ શરૂ થઈ જાય છે. જો તમે બિયર પીવાના શોખીન છો, તો નેપાળ જરૂર જાઓ .અહીં તમને Gorkha, Everest, Tuborg, Carlsberg જેવા બ્રાન્ડ્સ દરેક દુકાન અને બારમાં સરળતાથી મળી જશે.
ભારતીયોનું મનપસંદ સ્થળ
જો ભારતીયોની દ્રષ્ટિએ જોવામાં આવે, તો નેપાળ તેમના માટે મનપસંદ જગ્યાઓમાંની એક છે. અહીં દર વર્ષે નહીં, પણ દરરોજ મોટી સંખ્યામાં લોકો પોતાના રોજિંદા કામ માટે અવર જવર રતા રહે છે. કેટલાક લોકો તો ફક્ત નેપાળી બિયરની મજા માણવા માટે જ નેપાળ પહોંચે છે.
