Russia એકલું આખી દુનિયા સામે લડી શકે એટલું છે શક્તિશાળી!

રશિયા માત્ર ક્ષેત્રફળની દ્રષ્ટિએ વિશ્વનો સૌથી મોટો દેશ નથી, પરંતુ તેની પાસે પરમાણુ શસ્ત્રોનો વિશાળ ભંડાર, આધુનિક લશ્કરી ટેકનોલોજી અને અનુભવી સેના પણ છે. લશ્કરી શક્તિની સાથે, રશિયા પાસે વિશ્વનો સૌથી મોટો વિસ્તાર પણ છે. તેલ અને ગેસ જેવા કુદરતી સંસાધનોની વિપુલતા તેને આર્થિક રીતે પણ મજબૂત બનાવે છે. 

રશિયાની લશ્કરી શક્તિ   

રશિયાની લશ્કરી શક્તિ વિશ્વમાં ટોપના લેવલે છે. લશ્કરી શક્તિ રેન્કિંગ મુજબ, રશિયા લશ્કરી શક્તિમાં વિશ્વમાં બીજા ક્રમે છે. રશિયા પાસે 5,580 પરમાણુ શસ્ત્રો છે. જે અમેરિકા પછી સૌથી વધુ છે. આ શસ્ત્રો હિરોશિમા નાગાસાકી પર ફેંકાયેલા બોમ્બ કરતા ચાર ગણા વધુ વિનાશક છે. રશિયન સેના પાસે લગભગ 15 મિલિયન સક્રિય સૈનિકો છે. તેની પાસે 12,500 થી વધુ ટેન્ક, 30,000 સશસ્ત્ર વાહનો અને 6,500 તોપખાના છે. લશ્કરી બજેટની વાત કરીએ તો, રશિયા તેના GDP ના 6.2 ટકા સંરક્ષણ પર ખર્ચ કરે છે.

રશિયા આખી દુનિયા સામે એકલા લડી શકે છે?

રશિયા પાસે શક્તિશાળી લશ્કરી દળ, પરમાણુ શસ્ત્રો અને સારી માત્રામાં કુદરતી સંસાધનો છે. પરંતુ તે વૈશ્વિક સ્તરે બધા દેશોની સંયુક્ત લશ્કરી, આર્થિક અને તકનીકી શક્તિ સામે એકલા ટકી શકતું નથી. સમગ્ર વિશ્વ સામે એકલા લડવું અશક્ય છે કારણ કે અમેરિકા, નાટો અને ચીન જેવી વૈશ્વિક શક્તિઓ પાસે સંયુક્ત રીતે ઘણા વધુ લશ્કરી અને આર્થિક સંસાધનો છે. નાટો જેવા જોડાણની તાકાત રશિયા કરતા ઘણી વધારે છે.

નાટોમાં શક્તિશાળી રાષ્ટ્રોનો થાય છે સમાવેશ 

નાટોમાં અમેરિકા, બ્રિટન, ફ્રાન્સ જેવા શક્તિશાળી રાષ્ટ્રો સહિત 31 દેશો છે. નાટોમાં 3.5 મિલિયન સૈનિકો, 5,000 થી વધુ આધુનિક તોપખાના અને 6,000 થી વધુ પરમાણુ શસ્ત્રો છે. નાટોનું લશ્કરી બજેટ $1.3 ટ્રિલિયનથી વધુ છે, જ્યારે રશિયાનું ફક્ત $84 બિલિયન છે. નાટોની અદ્યતન ટેકનોલોજી જેમ કે પાંચમી પેઢીના સશસ્ત્ર વાહનો અને સામૂહિક સંરક્ષણ નીતિ તેને રશિયા કરતા ઘણું મજબૂત બનાવે છે. રશિયાનું અર્થતંત્ર પણ નાટો કરતા નબળું છે.