F-35 લાઇટનિંગ II (Lightning II) ને અત્યારે દુનિયાના સૌથી એડવાન્સ અને ખતરનાક લડાયક વિમાનોમાંથી એક માનવામાં આવે છે. લોકહીડ માર્ટિન કંપની દ્વારા બનાવવામાં આવેલું આ જેટ અમેરિકા અને તેના ઘણા સહયોગી દેશો સહિત 19 થી પણ વધુ દેશોની સેનાઓનો હિસ્સો છે. આ પાંચમી પેઢીનું એક સ્ટેલ્થ લડાયક વિમાન છે, જેને હવાઈ લડાઈ, ચોક્કસ હુમલા, ગુપ્ત માહિતી એકઠી કરવા અને ઇલેક્ટ્રોનિક યુદ્ધ માટે ડિઝાઇન કરવામાં આવ્યું છે. પોતાની એડવાન્સ રડારને થાપ આપવાની ટેક્નોલોજી અને વિવિધ પ્રકારની ભૂમિકા ભજવવાની ક્ષમતાના કારણે તેને આજના સમયમાં ઉડતું સૌથી શક્તિશાળી વિમાન માનવામાં આવે છે.
1300 થી વધુ જેટ અત્યારે પણ એક્ટિવ
સંરક્ષણ અહેવાલ મુજબ, દુનિયાભરમાં અત્યારે 1300 થી વધુ F-35 ફાઇટર જેટ ઓપરેશનલ છે. અમેરિકા સિવાય યુનાઇટેડ કિંગડમ (UK), ઇઝરાયેલ, જાપાન, ઓસ્ટ્રેલિયા, દક્ષિણ કોરિયા, ઇટાલી અને નેધરલેન્ડ જેવા દેશો કાં તો આ વિમાનનો ઉપયોગ કરે છે અથવા તેમણે આના માટે ઓર્ડર આપેલા છે. એક F-35 ફાઇટર જેટની મૂળ કિંમત તેના વેરિઅન્ટના આધારે અંદાજે $80 મિલિયનથી $110 મિલિયન યુએસ ડોલર (આશરે ₹660 કરોડથી ₹910 કરોડ રૂપિયા) ની વચ્ચે હોય છે. જેમાં વાયુસેના માટેનું F-35A સૌથી સસ્તું અને વર્તિકલ ટેક-ઓફ ટેક્નોલોજી વાળું F-35B સૌથી મોંઘું વેરિઅન્ટ છે.
આ વિમાન આટલું ખતરનાક કેમ છે?
આ વિમાનની સૌથી મોટી તાકાત તેની સ્ટેલ્થ ટેક્નોલોજી છે. આની ખાસ ડિઝાઇન અને રડારના કિરણોને શોષી લેતું કોટિંગતેને દુશ્મનના રડાર સિસ્ટમ પકડવામાં ખૂબ જ મુશ્કેલ બનાવી દે છે. આ કારણે આ વિમાન દુશ્મનના હવાઈ ક્ષેત્રમાં ઘૂસીને, સરળતાથી ટ્રેક થયા વગર પોતાના મિશનને પૂરું કરી શકે છે.
ત્રણ અલગ-અલગ વેરિઅન્ટ
F-35 પ્રોગ્રામમાં ત્રણ મુખ્ય વેરિઅન્ટસામેલ છે. તેને અલગ-અલગ સૈન્ય જરૂરિયાતો મુજબ ડિઝાઇન કરવામાં આવ્યા છે:
- F-35A: આનો ઉપયોગ મુખ્યત્વે વાયુસેના કરે છે અને તે સામાન્ય રનવે પરથી ઉડાન ભરે છે.
- F-35B: આમાં સીધા જ ઉપર તરફ ઉડવાની અને નીચે ઉતરવાની ક્ષમતા છે, જેના કારણે તે નાના રનવે અને નાના નૌસેનાના જહાજો પરથી પણ ઉડાન ભરી શકે છે.
- F-35C: આને એરક્રાફ્ટ કેરિયર માટે ડિઝાઇન કરવામાં આવ્યું છે અને તેમાં નૌસેનાના ઓપરેશન માટે વળી શકે તેવી પાંખો હોય છે.
એડવાન્સ સેન્સરનો ફાયદો
આ વિમાનની સૌથી એડવાન્સ વિશેષતાઓમાંની એક 'સેન્સર ફ્યુઝન ટેક્નોલોજી' છે. આની ઓનબોર્ડ સિસ્ટમ રડાર, થર્મલ સેન્સર અને કેમેરાથી મળેલી માહિતીને મિક્સ કરીને પાયલોટ માટે યુદ્ધના મેદાનનો પૂરો 360 ડિગ્રીનો નજારો તૈયાર કરે છે. આ માહિતી સીધી પાયલોટના હેલ્મેટની અંદર જ દેખાય છે.
આ પણ વાંચો-7 વર્ષની ઉંમરે સલમાન ખાન સાથે કર્યું ડેબ્યુ, ના અવાજ, ના કોઈ ડાયલોગ… છતાં સુપરહિટ ફિલ્મની જાન બની આ એક્ટ્રેસ
